دۇكەننەن جارتى ميلليون تەڭگە بونۋس العان ەلوردالىق سوتقا شاقىرىلدى

«م» جاۋاپكەرشىلىگى شەكتەۋلى سەرىكتەستىگى ازامات ك. -دان قارجى سوماسىن ءوندىرىپ الۋ تۋرالى ارىزبەن جۇگىندى. تالاپكەردىڭ سوزىنشە، وزىنە تيەسىلى دۇكەندەر جەلىسىندە ساتىپ الۋشىلار ءۇشىن بونۋستىق باعدارلاما بار. باعدارلاما ەرەجەسىنە سايكەس، ساتىپ الىنعان تاۋار ءۇشىن بونۋس بەرىلەدى، ول چەكتىڭ نومىرىنە بايلانىستىرىلادى. ازامات ك. 900 مىڭ تەڭگەگە تاۋار ساتىپ العان. ءبىراق كەيىن قاجەتىنىڭ بولماي قالۋىنا بايلانىستى ونى قايتا وتكىزگەن. الايدا، باعدارلامادا بولعان اقاۋعا بايلانىستى وعان 480 مىڭ تەڭگە بونۋس قاتەلىكپەن بەرىلگەن. ول بۇل بونۋستى پايدالانىپ، 540 مىڭ تەڭگەگە تاۋار العان»، - دەدى نۇر-سۇلتان قالالىق سوتىنىڭ باسپا ءسوز قىزمەتىنەن.

سوت مالىمەتىنە سايكەس، ەگەر بونۋستار تەحنيكالىق اقاۋدان جانە بونۋستاردى ەسەپتەۋ پروتسەسىندە كەتكەن قاتەلىكتەن بەرىلگەن جاعدايدا ساتىپ الۋشى بۇل تۋرالى اكسيانى ۇيىمداستىرۋشىعا حابارلاۋى ءتيىس. ازامات ك. ونى جاساماعان.

وسىلايشا، نۇر-سۇلتان قالاسى ەسىل اۋداندىق سوتى ج ش س- نىڭ تالابىن تولىق كولەمدە قاناعاتتاندىردى. ەلوردا تۇرعىنى 480 مىڭ تەڭگەنى قايتارۋعا مىندەتتەلدى.

سوت ۇكىمى زاڭدى كۇشىنە ەندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى