كوروناۆيرۋس قاۋپى: فرانسيا مەن يتاليا باعانى رەتتەۋگە نيەتتى
«مەنى ونلاين ساتىلىمداردىڭ كەيبىر دۇكەندەرىندە قولدى تازارتقىش قۇرالىنىڭ باعاسى ەكى-ءۇش ەسەگە وسكەنى تۋرالى حاباردار ەتتى. كوروناۆيرۋسقا بايلانىستى الىپساتارلىققا جول بەرىلمەيدى»، - دەپ جازدى لە مەر Twitter- دە.
«سوندىقتان مەن باسەكەلەستىك، تۇتىنۋ جانە الاياقتىقپەن كۇرەس ماسەلەلەرى جونىندەگى باس ديرەكسيادان سۋ-سپيرتتىك گەلدەر مەن ماسكالاردىڭ باعاسىنا قاتىستى تەرگەۋدى باستاۋىن سۇرادىم»، - دەدى ول.
فرانسۋز ءمينيسترى «ەگەر مۇنداي الىپساتارلىق كوپ ورىن السا، اتالعان گەلدەر مەن ماسكالاردىڭ باعاسىن رەتتەۋ تۋرالى دايىن قاۋلىنىڭ جوباسى بار» ەكەنىن اتاپ ءوتتى.
سونداي-اق يتاليا ۇكىمەتى دە كەيبىر مەديتسينالىق تاۋارلار باعاسىنىڭ كوتەرىلۋىنە قارسى شارا قولدانۋعا نيەتتى ەكەنىن مالىمدەدى.
سونىمەن قاتار، يتاليانىڭ مونوپولياعا قارسى باسقارماسى ەلەكتروندى كوممەرتسيالىق پلاتفورمالاردان دەزينفەكتسيالىق قۇرالدار مەن مەديتسينالىق ماسكالاردى قىمبات باعامەن ينتەرنەت ارقىلى ساتۋدى توقتاتۋ ءۇشىن شارالار قولدانۋدى تالاپ ەتتى.
