انتاركتيدادان جاڭا ارال تابىلدى
كارتادا جوق ارالدى عالىمدار عىلىمي ەكسپەديتسيا كەزىندە انىقتاعان. وسى ايدىڭ باسىندا. عارىشتان تۇسىرىلگەن سۋرەتتەردى كورگەن عالىمدار بۇل ماڭدا شاعىن جەر تەلىمى بار ەكەنىن بۇرىن دا بايقاعان. الايدا مۇز مەن قاردىڭ استىندا جاتقان ايماقتى ارال دەپ ويلاماسا كەرەك. عىلىمي ەكسپەديتسيا جاساعان كەزدە عانا ارال ەكەنىن اڭعارعان. ۆيردجيني ۋنيۆەرسيتەتىنىڭ گلياتسيولوگ عالىمى لورەن سيمكينستىڭ ايتۋىنشا، قازىر انتاركتيدادا كۇن جىلىپ، مۇز جاپپاي ەرىپ جاتىر. سودان مۇز قۇرساۋىنداعى قارا جەر ارشىلىپ، جاڭا گەوگرافيالىق نىساندار اشىلىپ جاتىر. ءالى دە اشىلا بەرۋى مۇمكىن. بۇل ءبىر جاعىنان عىلىم ءۇشىن پايدالى. ويتكەنى 100 ميلليون جىل مۇزدىڭ استىندا جاتقان قارا جەردىڭ قايماعى بۇزىلماي ساقتالىپ قالعانى انىق ءارى ودان تابىلعان دايەكتەر ءالى تالاي نارسەنىڭ كوزىن اشۋى مۇمكىن.
وسى ورايدا اقپان ايىنىڭ باسىندا انتاركتيدا ەڭ جىلى تەمپەراتۋرا تىركەلگەنىن ايتا كەتكەنىمىز ءجون. 9 - اقپان كۇنى برازيليا عالىمدارى ولشەگەن تەمپەراتۋرا بارىنەن اسىپ ءتۇستى. سەيمۋر ارالىنداعى تەرمومەتر 20,75 °س گرادۋستى كورسەتىپ، تاريحتا تۇڭعىش رەت انتاركتيداداعى جوعارى تەمپەراتۋرانى انىقتادى. وسىعان ۇقساس تەمپەراتۋرا 1982 -جىلى سيني ارالىندا دا تىركەلگەن كورىنەدى. ول كەزدە تەمپەراتۋرا 19,8 گرادۋسقا جەتكەن ەدى. ال سەيمۋرداعى تەمپەراتۋرا ودان 1 گرادۋسقا جوعارى.
Massaget.kz
