شاڭحاي ىنتىماقتاستىق ۇيىمى ەلدەرى شەكارالىق ىنتىماقتاستىقتى كۇشەيتەدى
كونۆەنسياعا شاڭحاي ىنتىماقتاستىق ۇيىمىنا مۇشە مەملەكەتتەردىڭ باسشىلارى 2017 -جىلعى ماۋسىمدا نۇر- سۇلتان قالاسىندا قول قويعان. قۇجاتتىڭ ماقساتى – ش ى ۇ- عا مۇشە ەلدەردىڭ ەكسترەميزمگە قارسى ءىس- قيمىل سالاسىندا ءوزارا ارەكەتتەستىگىنىڭ تيىمدىلىگىن ارتتىرۋ.
«كونۆەنسيا ەكسترەميزم تۇسىنىگىن تۇڭعىش رەت حالىقارالىق دەڭگەيدە دەسترۋكتيۆتى كورىنىس رەتىندە بەلگىلەيدى، ونىڭ مازمۇنى مەن ەكسترەميستىك ءىس- ارەكەتتىڭ نەگىزگى تۇرلەرىن انىقتايدى. قۇجات ش ى ۇ- عا مۇشە مەملەكەتتەردىڭ ەكسترەميزمگە قارسى كۇرەس سالاسىندا ءوزارا ءىس- قيمىلىن قالىپتاستىرادى» ، - دەدى ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى نۇرعالي بىلىسبەكوۆ.
كونۆەنسيانى ىسكە اسىرۋ: ش ى ۇ ەلدەرىنىڭ اۋماعىنا ەكسترەميستىك ۇيىمداردىڭ مۇشەلەرىن كىرگىزبەۋ ءۇشىن شەكارالىق ىنتىماقتاستىقتى كۇشەيتۋگە؛ ەكسترەميزمگە قارسى شارالار ازىرلەۋ مەن ىسكە اسىرۋدا حالىقارالىق جانە وڭىرلىك ۇيىمدارمەن ءوزارا ءىس- قيمىلدى ارتتىرۋعا؛ ەكسترەميزمگە قارسى ءىس- قيمىلدىڭ ناسيحاتتالۋىن، سونىڭ ىشىندە باق پەن ينتەرنەت جەلىسىندە كۇشەيتۋگە؛ ەكسترەميستىك يدەولوگيانىڭ تارالۋىن ۋاقتىلى انىقتاۋ مەن جولىن كەسۋ ماقساتىندا مونيتورينگ جۇرگىزۋدى جەتىلدىرۋگە مۇمكىندىك بەرەدى.
