ا ق ش- تىڭ مەملەكەتتىك حاتشىسى مايك پومپەو تاشكەنتكە باردى
يسلام كاريموۆ اتىنداعى حالىقارالىق اۋەجايدا مارتەبەلى قوناقتى وزبەكستان رەسپۋبليكاسىنىڭ سىرتقى ىستەر ءمينيسترى ابدۋلازيز كاميلوۆ، ا ق ش- تىڭ وزبەكستانداعى توتەنشە جانە وكىلەتتى ەلشىسى دەنيەل روزەنبليۋم مەن وزگە دە رەسمي تۇلعالار قارسى الدى.
ەكى كۇندىك ساپارى بارىسىندا ا ق ش مەملەكەتتىك حاتشىسى مەن وزبەكستاننىڭ سىرتقى ىستەر ءمينيسترىنىڭ اراسىندا ەكىجاقتى كەلىسسوزدەر جۇرگىزىلەدى. مايكل پومپەو مەن ابدۋلازيز كاميلوۆ 2018-جىلدىڭ مامىر ايىندا ۆاشينگتوندا جوعارى دەڭگەيدە وتكەن وزبەكستاندىق-امەريكالىق سامميت بارىسىندا قول جەتكىزگەن كەلىسىمدەردىڭ جۇزەگە اسىرىلۋ بارىسىن تالقىلاپ، حالىقارالىق جانە وڭىرلىك وزەكتى ماسەلەلەر بويىنشا پىكىر الماسادى.
مايك پومپەو 3- اقپان كۇنى تاشكەنتتە «ورتالىق ازيا – ا ق ش» («C5+1») فورماتىندا وتەتىن مينيسترلەر كەزدەسۋىنە قاتىسادى.
ايتا كەتەيىك، وسىعان دەيىن قازاقستاندا بولعان ا ق ش- تىڭ مەملەكەتتىك حاتشىسىن مەملەكەت باسشىسى قاسىم-جومارت توقايەۆ قابىلداعان بولاتىن.
سونىمەن قاتار ا ق ش وكىلى ەلباسى نۇرسۇلتان نازاربايەۆپەن كەزدەستى.
