جامبىلدا ەكى تەمىرجولشىنى پويىز باسىپ كەتتى
وقىس وقيعا جامبىل وبلىسىنىڭ بەل ستانسياسىنا جاقىن ماڭدا ورىن العان. تەمىرجولدىڭ بويىندا جۇرگەن جۇمىسشىلاردى «الماتى- اقتوبە» باعىتىنا قاتىنايتىن جولاۋشىلار پويىزى قاعىپ كەتەدى. سالدارىنان تەمىرجولشىلار العان جاراقاتىنان سول جەردە كوز جۇمعان. قازىرگى تاڭدا تەمىرجول ۇيىمىنىڭ ەكى جۇمىسشىسىن جولاۋشىلار پويىزىنىڭ باسىپ كەتۋىنە بايلانىستى تەرگەۋ باستالدى. بۇل تۋرالى ق ر ءى ءى م كولىك دەپارتامەنتىنىڭ باسپا ءسوز قىزمەتى مالىمدەدى.
«13-قاڭتاردا جولاۋشىلار پويىزى جامبىل وبلىسىنىڭ بەل ستانسياسىنا كىرگەن كەزدە «الماتى- اقتوبە» پويىزى ەكى ادامدى قاعىپ كەتتى. ولار وقيعا ورنىندا قايتىس بولدى. تەكسەرۋ كەزىندە ولاردىڭ تەمىرجول ۇيىمدارىنىڭ 33 جانە 44 جاستاعى جۇمىسشىلارى ەكەنى انىقتالدى» دەلىنگەن ۆەدومستۆونىڭ حابارلاماسىندا.
اتالعان فاكتى قىلمىستىق كودەكستىڭ 344-بابى 3-تارماعى «تەمىرجول كولىگىن پايدالانۋ نەمەسە پايدالانۋ كەزىندە قاۋىپسىزدىك ەرەجەلەرىن بۇزۋ، ابايسىزدا ەكى نەمەسە ودان دا كوپ ادامنىڭ قايتىس بولۋىنا اكەلىپ سوقتىرۋ» بويىنشا سوتقا دەيىنگى تەرگەۋدىڭ ءبىرىڭعاي تىزىلىمىندە تىركەلگەن.
