پاۆلودار وبلىسىندا «كيەلى قازاقستان» ەكسپەديتسياسى اتقا ءمىنۋ مادەنيەتىن جانداندىردى
10-12 - قاڭتار ارالىعىندا «كيەلى قازاقستان» ەكسپەديتسياسى مۇشەلەرى پاۆلودار وبلىسىنا جينالدى. اتالعان ەكسپەديتسيانىڭ ماقساتى - جىلقىنى قولعا ۇيرەتۋ مادەنيەتىن دارىپتەپ، ىشكى تۋريزمدى ناسيحاتتاۋ.
شاراعا تاجىريبەلى شاباندوزدار، قۇسبەگىلەر، تريەۆەل- بلوگەرلەر مەن تىلشىلەر، فوتوگرافتار جانە ۆيدەووپەراتورلار قاتىستى.
ەكسپەديتسيانىڭ العاشقى كۇنى قاتىسۋشىلار ساتبايەۆ اۋىلىنان دالبا تاۋىنىڭ ەتەگىنە دەيىن جەتىپ، بۇقار جىراۋ جەرلەنگەن ۇلى ابىزدىڭ كەسەنەسىن ارالادى. ءارى قاراي «قانىش ساتبايەۆ» جانە «تەڭدىك» كەسەنەلەرىنە دە سالت اتپەن باردى. وسىلايشا، اتقا مىنگەن ساياحاتتاۋشىلار ەكسپەديتسيانىڭ العاشقى كۇنى 60 شاقىرىم جولدى ءجۇرىپ ءوتتى.
ال، ەكىنشى كۇنى ەكسپەديتسيا مۇشەلەرى ق. ساتبايەۆ اۋىلىندا مەكتەپ وقۋشىلارى مەن اۋىل جاستارى اراسىندا ەرتەدەن كەلە جاتقان ۇلتتىق ات سپورتى ويىندارىن ۇيىمداستىردى. جاسوسپىرىمدەر اتقا مىنۋگە ماشىقتانىپ، اساۋ جىلقىنى جۇگەندەۋ، ءمىنۋ، جەگۋ تاسىلدەرىن ۇيرەندى.
«اتقا ءمىنۋ مادەنيەتى - قازاق حالقىنىڭ قانىنا سىڭگەن، ومىرلىك سەرىگىنە اينالعان ءۇردىس. ەكسپەديتسيا جاسوسپىرىمدەر اراسىندا ۇلتتىق ات سپورتىن ناسيحاتتاپ، جاڭا تۋريستىك باعىتتاردى جاساۋ جانە تۋعان جەرىمىزدى زەرتتەۋگە ىقپال ەتەدى. ەكسپەديتسيا ناتيجەسىندە ەلىمىزدىڭ تابيعي نىساندارى بويىنشا جاڭا تۋريستىك باعىتتار، ساپالى فوتو جانە ۆيدەولار جاساقتالماق، سونداي- اق، يلليۋستراتسيالانعان جولنۇسقا دا جاسالاتىن بولادى»، - دەدى ات- TRAVEL كلۋبىنىڭ جەتەكشىسى بەرىك اقىلبەكوۆ.
ەكسپەديتسيا «جاباعى» جارىسى مەن «تەڭگە الۋ» سايىستارىنا قاتىسىپ، ۇزدىك اتانعان جاسوسپىرىمدەردى ماراپاتتاۋ راسىمىمەن قورىتىندىلاندى.
ايتا كەتەيىك، «كيەلى قازاقستان» ەكسپەديتسياسى «Kazakh Tourism» ۇ ك مەن «QazaqGeography» رەسپۋبليكالىق قوعامدىق بىرلەستىگىنىڭ ۇيىمداستىرۋىمەن 3- مارتە جۇزەگە اسىپ وتىر. بۇعان دەيىن ساياحاتشىلار اقمولا، پاۆلودار وبلىستارى مەن بۇيراتاۋ، باياناۋىل ۇلتتىق پاركتەرىن ءجۇرىپ وتكەن بولاتىن.
