الماتى وبلىسىندا ءوز وتانداسىن ءولتىردى دەگەن كۇدىكپەن شەتەل ازاماتى ۇستالدى
كىسى ءولىمى بيىلعى 11 قاڭتاردا تالعار اۋدانىندا بولدى. قۇرىلىس نىساندارىنىڭ بىرىندە ءتۇرلى دەنە جاراقاتى بار 43 جاستاعى ەر ادامنىڭ دەنەسى تابىلعان. الدىن الا تەرگەۋ بارىسىندا مەرت بولعان شەتەلدىك ازامات قازاقستانعا 2019 -جىلى وزبەكستاننىڭ ءاندىجان وبلىسىنان كەلگەندىگى جانە قاينار اۋىلىندا جەكە تۇرعىن ءۇي قۇرىلىسىمەن اينالىسقاندىعى بەلگىلى بولدى.
«اۋداندىق پوليتسيا قىزمەتكەرلەرى ادام ولىمىنە قاتىسى بار دەگەن كۇدىكپەن جابىرلەنۋشىنىڭ 27 جاستاعى وتانداسىن ۇستادى. ق ر قىلمىستىق كودەكسىنىڭ 99-بابىنا سايكەس سوتقا دەيىنگى تەرگەۋ جۇرگىزىلىپ، قىلمىسقا قاتىستى بارلىق ءمان-جايلار انىقتالاتىن بولادى. ۇستالعان ەر ادام ۋاقىتشا ۇستاۋ يزولياتورىنا قاماققا الىندى»، - دەپ ءمالىم ەتتى الماتى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
اتالعان فاكتى بويىنشا قاجەتتى ساراپتامالار تاعايىندالدى. وقيعا ورنىنان اس ءۇي پىشاعى تابىلىپ، تەرگەۋ ماتەريالدارىنا ايعاقزات رەتىندە تىركەلدى.
