كانادادا باتىر جۇكەمبايەۆتىڭ ايقاسىنا بارلىق بيلەتتەر ساتىلىپ كەتتى

بۇل تۋرالى بوكسشىنىڭ PR-مەنەدجەرى ءمالىم ەتتى، دەپ حابارلايدى قازاقپارات ءتىلشىسى.

جەكپە- جەك 25-قاڭتاردا كانادانىڭ مونرەال قالاسىنداعى Montreal Casino ارەناسىندا وتەدى.

قازاقستاندىق بوكسشى ءبىرىنشى ورتا سالماقتاعى WBA Continental Americas جانە IBF Inter- Continental تيتۋلدارىن قورعايدى. قارسىلاسى - ارگەنتينالىق ماكسيميليانو ريكاردو ۆەرون (12-3-1، 4 ك و).

«قارسىلاسىم 16 جەكپە-جەكتە 12 مارتە جەڭىسكە جەتكەن IBF Latino چەمپيونى. بۇل 2020 -جىلعى مەن ءۇشىن العاشقى ۇلكەن سىناق!»، - دەپ جازعان بولاتىن وتانداسىمىز Instagram-پاراقشاسىندا.

ەستەرىڭىزگە سالا كەتەيىك، باتىر جۇكەمبايەۆ بىلتىر 26 قىركۇيەك كۇنى مونرەالدا مەكسيكالىق ميگەل ۆاسكەسكە قارسى (41-9، 15 ك و) وتكىزگەن سوڭعى جۇدىرىقتاسۋىندا تورەشىلەردىڭ ءبىراۋىزدى شەشىمىمەن جەڭىسكە جەتكەن بولاتىن. حالىقارالىق بوكس ۇيىمىنىڭ (IBO) رەيتينگىندە ول ءوز سالماعىندا 11-ورىندا تۇر.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى