ويدا جوقتا پايدا بولعان ونەرتابىستار

قىسقاتولقىندى پەش

 «Raytheon» كومپانياسىنىڭ ينجەنەرى پەرسي سپەنسەر رادار جابدىعىن جاسايدى. ءبىر كۇنى ماگنەترونمەن جۇمىس ىستەپ وتىرعاندا قالتاسىنداعى شوكولادى ەرىپ جاتقانىن بايقايدى. سودان سوڭ بىرنەشە زاتقا تاجىريبە جاساپ كورىپ، قىسقاتولقىندى ساۋلەنىڭ زاتتى ەرىتەتىن قاسيەتى بارىن انىقتايدى. 1946 -جىلى ءوز ونەرتابىسىن پاتەنتتەيدى. العاشىندا بۇل پەشتى تاعامدى تەز ىسىتۋ ءۇشىن تەك اسكەري ادامدار قولداندى. 1965 -جىلدان باستاپ كوپشىلىككە قولجەتىمدى بولدى.

 رەنتگەن ساۋلەسى

اتاقتى فيزيك ۆيلگەلم رەنتگەننىڭ ۇلى ونەرتابىسىن ءبارىمىز بىلەمىز. الايدا ونىڭ ويلاماعان جەردەن جاسالعانىن بارلىعى بىلە بەرمەس. ول 1895 -جىلى كاتود قۇبىرلارىنا زەرتتەۋ جۇرگىزەدى. قۇبىردىڭ ەكى جاعىندا دا ەكران بولادى. بىردە كەزدەيسوق جارىقتى جاعىپ قالعاندا ەرەكشە ساۋلەنى بايقايدى. قۇبىردىڭ الدىنا الاقانىن قويىپ كورسە، ول دا جارقىرايدى. ول وسىلاي ءوز ونەرتابىسىن X ساۋلەسى دەپ اتادى. كوپ ۇزاماي بۇل مەديتسينادا قولدانىسقا ەندى. جۇگەرى قاۋىزى

 XIX عاسىردا ا ق ش- تا «باتل- كريك» اتتى شيپاجاي بولدى. ول جەردە اعايىندى كەللوگتار جۇمىس ىستەدى. ءبىر كۇنى شيپاجايدا جۇگەرى ۇنىنان تاعام دايىنداۋ كەرەك بولدى. اعايىندىلار اياق استىنان ءبىر جەرگە شىعىپ كەتەدى، قايتىپ كەلسە ۇن بۇزىلىپ كەتىپتى، ال ونى تاستاۋعا بولمايدى. امالسىزدان ۋيلل كەللوگ ۇندى يلەپ، ونى قۋىرادى. تاڭعى اس كەزىندە جەيتىن قىتىرلاق تاعامىمىز وسىلاي پايدا بولعان. اعايىندى كەللوگتار 1897 -جىلى جۇگەرى قاۋىزىن شىعاراتىن «Sanitas» كومپانياسىن اشتى.

Massaget.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى