سەمەي ماڭىن سۋ باسۋى مۇمكىن: جەدەل شتاب قۇرىلدى
ۆەدومستۆو مالىمەتىنشە، ەرتىس وزەنىنىڭ بەتىندە مۇزدىق تۇتاسىپ قاتۋ پروتسەسى بايقالادى. ال اۋا رايىنىڭ جىلى بولۋىنا بايلانىستى سەمەي قالاسىنىڭ ماڭىندا سەڭ تۇرىپ، وزەندەگى سۋ دەڭگەيى كوتەرىلىپ كەلەدى. سۋ دەڭگەيى مۇنان ارى كوتەرىلە بەرەتىن بولسا ۆوستوچنىي، ميرنىي جانە پولكوۆنيك ارالى ەلدى مەكەندەرى اۋماعىنداعى تۇرعىن ۇيلەردى سۋ باسۋ قاۋپى بار.
«حالىقتى قورعاۋ شارالارىن جەدەل قابىلداۋ ماقساتىندا سەمەي قالالىق ت ج ب «ءى ى م ت ج ك قازسەلدەنقورعاۋ» مەملەكەتتىك مەكەمەسىنىڭ وكىلدەرىمەن بىرگە وزەن جاعالاۋىنا تۇراقتى مونيتورينگ جۇرگىپ، تاۋلىك بويى باقىلاۋ بەكەتتەرىن ورناتتى. سەمەي قالالىق پولتسيا باسقارماسىنىڭ جەكە قۇرامى اۋدانداردى شولعىنداپ ءجۇر. بۇعان قوسا، قىزمەتكەرلەر حالىققا سۋ باسۋ قاۋپى بار ەكەندىگى تۋرالى ەسكەرتىپ، سۋ تاسىعان جاعدايداعى باستاپقى ارەكەتتەر جايىندا نۇسقاۋلىق جۇرگىزۋدە. ازاماتتىق قورعانىس كۇشتەرى مەن قۇرالدارىنىڭ ءىس- ارەكەتىن ۇيلەستىرۋ ءۇشىن شقو توتەنشە جاعدايلار دەپارتامەنتىندە جەدەل شتاب قۇرىلدى» ، - دەپ اتاپ وتەدى كوميتەتتەن.
بۇعان دەيىن سەمەي قالاسىنىڭ اكىمى ەرماك ءسالىموۆتىڭ ەرتىس وزەنىندە سۋ دەڭگەيى كوتەرىلۋىنە بايلانىستى تۇسىنىك بەرگەنىن حابارلاعان ەدىك.
