يران س ءى م ۇشاق اپاتىنان قازا تاپقانداردىڭ وتباسىنا كومەكتەسەتىنىن ايتتى - الەمدىك باسپا سوزگە شولۋ
قىلمىستىق ستاتيستيكاعا سەنۋگە بولمايدى - The New Yorker
«قىلمىستىڭ وسۋىنە نەمەسە ازايۋىنا نە اسەر ەتەتىنىن ءدوپ باسىپ ايتۋ قيىن»، دەپ جازادى The New Yorker باسىلىمى.
اۆتوردىڭ ايتۋىنشا، «ەكونوميكالىق ءىس- ارەكەت» جۋرنالىندا عالىمدار ەسىرتكىنىڭ جەڭىل ءتۇرىن زاڭداستىرۋ قىلمىس كورسەتكىشىنىڭ ازايۋىنا الىپ كەلەتىنىن جازسا، تاعى ءبىر توپ عالىمدار كەرىسىنشە، بۇل قىلمىستىڭ ارتۋىنا اسەر ەتەتىنىن ايتىپ پىكىر تالاستىرىپ جاتىر.
«بىزدە ادامنىڭ نە سەبەپتى قىلمىسقا باراتىنىن ءدوپ باسىپ ايتاتىن جاقسى مەحانيزم جوق. دجوردج مەيسون ۋنيۆەرسيتەتىنىڭ كريمينولوگى دەۆيد ۆەيسبۋرد تا وسى پىكىرمەن كەلىسەدى. ونىڭ ايتۋىنشا، قىلمىسقا بەلگىلى ءبىر نارسەنىڭ اسەرى ناقتى ايقىندالمايدى»، دەپ جازادى اۆتور.
ونىڭ جازۋىنشا، قىلمىستىڭ الدىن الاتىن جۇزدەگەن فاكتور بار. ونىڭ ىشىندە دەموگرافيالىق، ەكونوميكالىق، كوگنيتيۆتى جانە بيولوگيالىق فاكتورلار. ال قىلمىستىڭ ازايۋىنا پوليتسيا قىزمەتكەرلەرىنىڭ ارتۋى، الكوگول ءونىمىن تۇتىنۋ كورسەتكىشىنىڭ ازايۋى سياقتى فاكتورلار دا اسەر ەتە الادى.
«كوپتەگەن ادامدار قىلمىس دەڭگەيىن قالاي تومەندەتۋگە بولاتىنىن بىلەمىز دەپ ويلايدى. ولار بەلگىلى ءبىر زاڭداردى ۇسىنادى نەمەسە قارسى شىعادى. دەگەنمەن، قىلمىس ستاتيستيكاسى ءبىز ويلاعاننان دا جۇمباق نارسە»، دەپ جازادى اۆتور.
ونىڭ ايتۋىنشا، سول سەبەپتى دە قىلمىس ستاتيستيكاسىنا سەنۋگە بولمايدى.
«كريمينولوگتار كەيدى قىلمىستى «حاوس جۇيە» دەپ اتايدى. وعان اسەر ەتەتىن فاكتورلار وتە كوپ»، دەيدى اۆتور.
اۆستراليادا قاتتى جەل ءورتتى كۇشەيتتى - AFP
اۆستراليادا قاتتى جەلدەن ەكى ءورت وشاعى بىرىگىپ، ءورت اۋماعى لوندوننان ءتورت ەسە ۇلكەن جەردى الىپ جاتىر، دەپ جازادى Agence France Presse.
جاڭبىر جاۋعاننان كەيىن بىرنەشە كۇن بويى ءورت باسەڭدەگەنىمەن، جۇما كۇنى قاتتى جەل تۇرىپ، ءورتتى قايتا تۇتاتقان.
«قازىرگى جاعداي قيىن. بۇل ىستىق، قۇرعاق جەل بىزگە ۇلكەن قيىندىق تۋعىزايىن دەپ تۇر»، دەيدى جاڭا وڭتۇستىك ۋەلس شتاتىنىڭ ءورت قاۋىپسىزدىگى بويىنشا كوميسسارى شەين فيتسسيممونس.
اگەنتتىكتىڭ حابارلاۋىنشا، اۋا تەمپەراتۋراسى 40 گرادۋسقا دەيىن كوتەرىلگەن.
اۆسترالياداعى ورمان ورتىنەن 26 ادام قازا تاۋىپ، 2 مىڭنان استام ءۇي قيرادى. ونداعان ميلليون گەكتار جەر ورتەندى. عالىمدار ورتتەن ميللياردقا جۋىق جانۋار ولگەنىن ايتتى. اۆستراليانىڭ ساقتاندىرۋ كەڭەسىنىڭ ايتۋىنشا، ورتتەن كەلگەن شىعىن 645 ميلليون ا ق ش دوللارىن قۇرايدى.
2020 -جىلداعى پاسپورتتار رەيتينگى جاريالاندى - Euronews
پاسپورت دەرەكتەرىنىڭ سوڭعى رەيتينگى جاريالاندى جانە بۇل رەيتينگتە ازيا مەملەكەتتەرى كوش باستاپ تۇر، دەپ جازادى Euronews.
باسىلىمنىڭ حابارلاۋىنشا، رەيتينگتە جاپونيا مەن سينگاپۋر كوش باستاپ تۇر. ودان كەيىنگى ورىندا وڭتۇستىك كورەيا، گەرمانيا، فينليانديا، يتاليا، يسپانيا، ليۋكسەمبۋرگ، دانيا مەملەكەتتەرى ورنالاسقان.
«Henley- Partners پاسپورتتار يندەكسى ۆيزاسىز جۇرۋگە مۇمكىندىك بەرۋ كورسەتكىشى بويىنشا جاسالادى. بۇل رەيتينگتە جاپونيا ءۇش جىل بويى كوش باستاپ كەلەدى. بۇل ەلدىڭ ازاماتتارى 191 مەملەكەتكە ۆيزاسىز كىرە الادى. سينگاپۋر 190 مەملەكەتپەن ەكىنشى ورىنعا جايعاسقان. رەيتينگتە وڭتۇستىك كورەيا مەن گەرمانيا ءبىر ساتى تومەندەگەن»، دەپ جازادى باسىلىم.
199 مەملەكەت كىرگەن رەيتينگتە قازاقستان 67-ورىندا تۇر. قازاقستان ازاماتتارى 76 مەملەكەتكە ۆيزاسىز كىرە الادى.
يران س ءى م ۇشاق اپاتىنان قازا تاپقانداردىڭ وتباسىنا كومەكتەسەتىنىن ايتتى - IRNA
يراننىڭ سىرتقى ىستەر ءمينيسترى مۋحاممەد دجاۆاد زاريف ءسىم ۇشاق اپاتىنان قازا تاپقان ادامداردىڭ وتباسىنا كومەكتەسۋگە دايىن ەكەنىن مالىمدەدى، دەپ جازادى IRNA.
«سىرتقى ىستەر مينيسترلىگى مەن بۇكىل الەمدەگى ەلشىلىكتەرىمىز اپاتتان كەيىنگى قايعىعا ورتاق جانە قازا تاپقانداردىڭ وتباسىنا كەز كەلگەن كومەك بەرۋگە دايىن»، دەپ جازدى ول تۆيتتەردەگى پاراقشاسىندا.
ۋكراينا ۇشاعى يمام حومەيني اۋەجايىنان ۇشقاننان كەيىن اپاتقا ۇشىراعان ەدى. ۇشاقتاعى 167 جولاۋشى مەن 9 ەكيپاج مۇشەسى قازا تاپتى.
كەشە يران ۇشاقتى زىمىران اتىپ تۇسىرگەنىن مويىنداعان ەدى. ولار «ا ق ش اۆانتيۋريزمىنەن پايدا بولعان داعدارىس كەسىرىنەن بولعان ادام قاتەلىگى وسىنداي اپاتقا الىپ كەلدى» دەي كەلە كەشىرىم سۇرار، قازا تاپقانداردىڭ وتباسىنا كوڭىل ايتقان بولاتىن.
ال س ءى م باسپا ءسوز حاتشىسى ابباس مۋساۆي مينيسترلىكتە وسى ماسەلە بويىنشا ارنايى جۇمىس توبى قۇرىلعانىن مالىمدەدى. ول اپاتتان قازا تاپقانداردىڭ وتباسىنا كومەك كورسەتۋ ءۇشىن قاجەتتى شارالاردى ورىندايدى. سونىمەن قاتار ەلشىلىكتەرگە دە وتباسىلارعا قانداي كومەك قاجەت ەكەنىن انىقتاۋ تاپسىرىلعان.
NASA عالىمدارى جەرگە ۇقسايتىن پلانەتا تاپتى - Nature
وربيتاعا 2018 -جىلدىڭ ءساۋىر ايىندا جىبەرىلگەن «كەپلەر» اپپاراتى سۇيىق سۋى بار ەكزوپلانەتانى انىقتادى، دەپ جازادى Nature.
جاڭا پلانەتاعا TOI اكىمشىلىك اتاۋى بەرىلدى.
بۇگىنگى كۇنگە دەيىن انىقتالعان ەكزوپلانەتالار كوپ بولعانىمەن، بۇل جاڭالىق تەلەسكوپ ومىرىندەگى ماڭىزدى قادام سانالادى.
«بۇل پلانەتانىڭ كولەمى جەردەن ازداپ ۇلكەن. ول كولەمى كۇننەن ەكى ەسە كىشى جۇلدىزدى اينالىپ جۇرەدى.
