يراندا ۇلى بريتانيا ەلشىسىن بىرنەشە ساعات ۇستاپ، قايتا جىبەردى

ا ق ش-تىڭ مەملەكەتتىك دەپارتامەنتى تەگەران ۇلى بريتانيا ەلشىسى روبەرت ماكەيردى ۇستاي وتىرىپ، حالىقارالىق قۇقىق نورمالارىن بۇزدى، سول ءۇشىن يران بيلىگى لوندوننان كەشىرىم سۇراۋى كەرەك دەگەن پىكىردە، دەپ جازدى رەسەيلىك تاسس.

«يران رەجيمى وسى ەلدەگى ۇلى بريتانيا ەلشىسىن ۇستادى. بۇل ۆەنا كونۆەنسياسىنىڭ تالاپتارىن بۇزۋ دەگەن ءسوز. ءبىز رەجيمنىڭ رەسمي تۇردە ۇلى بريتانيا الدىندا كەشىرىم سۇراپ، بارلىق ديپلوماتتاردىڭ قۇقىقتارىن ساقتاۋعا شاقىرامىز»، - دەپ جازدى سەنبى كۇنى ءوزىنىڭ Twitter- دەگى پاراقشاسىندا ا ق ش مەملەكەتتىك دەپارتامەنتى باسپا ءسوز قىزمەتىنىڭ باسشىسى مورگان ورتەگۋس.

تەگەراندا سەنبى كۇنى ءامىر ءقابىر اتىنداعى تەحنولوگيالىق ۋنيۆەرسيتەت عيماراتى الدىندا جۇزدەگەن دەمونسترانت جينالىپ، يراننىڭ جوعارعى كوشباسشىسى اياتوللا حامەنەيدىڭ وتستاۆكاعا كەتۋىن تالاپ ەتتى، دەپ حابارلايدى bbc.com.

يران اسكەريلەرىنىڭ سارسەنبى كۇنى ۋكراينالىق ۇشاقتىڭ قاتەلەسىپ اتىپ تۇسىرگەنىنە اشۋلانعان دەمونسترانتتار «باس قولباسشى كەت!» - دەپ ايقايلادى.

ۇشاقتا بولعان 176 ادامنىڭ بارلىعى مەرت بولدى. ولاردىڭ اراسىندا 83 يران ازاماتى جانە يراندا تۇراتىن كانادالىقتار بولعان. ولاردىڭ بارلىعى كوز جۇمدى.

سونىمەن قاتار ەلدەگى تانىمال جوعارى وقۋ ورىندارىنىڭ ءبىرى شاريف اتىنداعى تەحنولوگيالىق ۋنيۆەرسيتەت عيماراتىنىڭ الدىندا دا نارازىلىق شارالارى ءوتىپ جاتقاندىعى تۋرالى مالىمەت تۇسكەن. كەيبىر دەرەكتەرگە قاراعاندا، تەگەران ماعىنا قۇلاعان ۇشاقتا مەرت بولعانداردىڭ اراسىندا وسى وقۋ ورنىن بىتىرگەن 10 ادام بولعان.

تەگەراننىڭ ەكى ۋنيۆەرسيتەتىندە بولىپ جاتقان جاعدايلار تۋرالى IRNA مەن ISNA اگەنتتىكتەرى حابارلادى.

وسىعان دەيىن يراندا 180 جولاۋشىسى بار ۋكراينا ۇشاعى قۇلاعانى تۋرالى ءمالىم بولدى.

ارتىنان قازاقستاننىڭ سىرتقى ىستەر مينيسترلىگى ۇشاقتا قازاقستان ازاماتتارىنىڭ جوق ەكەنىن حابارلادى.

تەگەراندا قۇلاعان ۋكراينا ۇشاعىنداعى جولاۋشىلاردىڭ بارلىعى مەرت بولعانى انىقتالدى.

كانادا پرەمەر-ءمينيسترى يران جولاۋشىلار لاينەرىن ابايسىزدا اتىپ جىبەرۋ مۇمكىن دەگەن بولجامىن جاريالادى.

ال كەشە يران يران قارۋلى كۇشتەرىنىڭ باس شتابى تەگەران ماڭىندا قۇلاعان ۇشاقتى يراننىڭ اۋە قورعانىس كۇشتەرى قىزمەتى زىمىرانمەن بايقاۋسىزدا اتىپ تۇسىرگەنىن مالىمدەدى.

يران پرەزيدەنتى حاسان روۋحاني ۋكراينا ۇشاعىنىڭ قۇلاۋىنا كىنالىلەر قىلمىستىق جاۋاپقا تارتىلاتىنىن ايتتى.

اۆتور: ايدار وسپاناليەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى