يراننىڭ اۋە قورعانىس كۇشتەرى ۋكراينا ۇشاعىن قاتەلەسىپ اتىپ تۇسىرگەن
يراننىڭ قورعانىس كۇشتەرىنىڭ باس شتبابى وكىلدەرىنىڭ ايتۋىنشا، ۇشاق اپاتى يران ا ق ش-تىڭ يراكتاعى اسكەري بازالارىن اتقىلاعاننان كەيىن بىرنەشە ساعاتتان سوڭ بولدى. ال ا ق ش بازالارىنا زىمىران جىبەرىلگەن سوڭ، سارسەنبى كۇنى اۋەدە ا ق ش ۇشاقتارىنىڭ سانى كوبەيگەن.
«بۇل جاعداي ءوز كەزەگىندە اۋە قورعانىسى كۇشتەرىنىڭ الاڭداۋشىلىعىن تۋدىردى. ادام قاتەلىگىنىڭ سالدارىنان، اتالعان ۇشاق اتىپ ءتۇسىرىلىپ، شەتەل ازاماتتارى مەرت بولدى. بۇل ارينە، وكىنىشتى»، - دەلىنگەن باس شتابتىڭ حابارلاماسىندا.
وسىعان دەيىن يراندا 180 جولاۋشىسى بار ۋكراينا ۇشاعى قۇلاعانى تۋرالى حابارلاندى.
ارتىنان قازاقستاننىڭ سىرتقى ىستەر مينيسترلىگى ۇشاقتا قازاقستان ازاماتتارىنىڭ جوق ەكەنىن حابارلادى.
تەگەراندا قۇلاعان ۋكراينا ۇشاعىنداعى جولاۋشىلاردىڭ بارلىعى مەرت بولعانى انىقتالدى.
كانادا پرەمەر-ءمينيسترى يران جولاۋشىلار لاينەرىن ابايسىزدا اتىپ جىبەرۋ مۇمكىن دەگەن بولجامىن جاريالادى.
