الماتى وبلىسىندا قانشا كوپبالالى وتباسى بار

بۇل جونىندە الماتى وبلىسى اكىمىنىڭ ورىنباسارى باتىرجان بايجۇمانوۆ ءمالىم ەتتى، دەپ حابارلايدى قازاقپارات ءتىلشىسى.

تالدىقورعانداعى «Jetisu media» الاڭىندا وتكەن بريفينگ بارىسىندا باتىرجان بايجۇمانوۆتىڭ ايتۋىنشا، كوپبالالى وتباسىلارعا رەسپۋبليكالىق بيۋدجەتتەن مەملەكەتتىك جاردەماقى بەرىلەدى. ياعني، بۇل قاراجات ۇلكەن وتباسىلاردىڭ (4 نەمەسە ودان دا كوپ كامەلەتكە تولماعان بالالارى بار) تابىسىنا قاراماستان تولەنبەك. 4 بالاعا - 42496 تەڭگە، 5 بالاعا - 53127 تەڭگە، 6 بالاعا - 63757 تەڭگە، 7 جانە ودان كوپ بالاعا - 74388 تەڭگە بەرىلەدى.

باسقوسۋدا بيىل حالىقتىڭ الەۋمەتتىك وسال توپتارى ءۇشىن ايماقتىق الەۋمەتتىك كارتانى جۇزەگە اسىرۋ جالعاساتىنى ايتىلدى. وعان كوپبالالى انالاردىڭ كوعامدىق كولىكتەرمەن تەگىن ءجۇرۋى، مەكتەپكە دەيىنگى مەكەمەلەردەگى اتا-انالار تولەمىنە سۋبسيديا جاساۋ، گازعا قوسۋ جانە ءبىلىم بەرۋ گرانتتارى كىرەدى.

اتاپ ايتساق، وتكەن جىلى الەۋمەتتىك كارتانىڭ ارقاسىندا كوپبالالى جانە از قامتاماسىز ەتىلگەن وتباسىلارعا 3,5 ميلليارد تەڭگە كولەمىندە الەۋمەتتىك قولداۋ كورسەتىلىپ، 106 مىڭ ادام قامتىلعان.

اۆتور: سامال قابىشەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى