الماتىداعى اۋە اپاتىنا بايلانىستى توعىز ۇشاقتىڭ قىزمەتى توقتاتىلدى
«قازاقستان پرەزيدەنتىنىڭ تاپسىرماسى بويىنشا قازىر تۇراقتى تۇردە جولاۋشىلار تاسىمالىن جۇرگىزىپ جاتقان وتاندىق اۋە كومپانيالاردىڭ ءبارى تەكسەرىلىپ جاتىر. اتاپ ايتقاندا، اۋە كەمەلەرىنىڭ ۇشۋ جارامدىلىعى، قاۋىپسىزدىك تالاپتارىنا سايكەستىگى، ۇشۋ ەرەجەلەرىن ساقتاۋى، اۆياتسيالىق پەرسونالدى دايىنداۋى سەكىلدى تالاپتاردىڭ ءبارى تەكسەرىلۋدە»، - دەدى بەرىك كاماليەۆ و ك ق- دا وتكەن باسپا ءسوز ءماسليحاتىندا.
ۆيتسە- مينيستر الماتىداعى اۋە اپاتىنا بايلانىستى Bek Air اۋە كومپانياسىنىڭ جۇمىسى توقتاتىلعانىن ايتىپ ءوتتى.
« Bek Air اۋە كومپانياسىنا تيەسىلى توعىز Fokker-100 ۇشاعىنىڭ قىزمەتى مەن جىلدىق جارامدىلىعى جايلى سەرتيفيكاتى توقتاتىلدى. قازاقستاننىڭ اۆياتسيالىق اكىمشىلىگى قازىر بريتاندىق جانە ەۋروپالىق ازاماتتىق اۆياتسيا اگەنتتىكتەرى وكىلدەرىنىڭ قاتىسۋىمەن Bek Air اۋە كومپانياسىن تەكسەرىپ جاتىر. تەكسەرۋ قورىتىندىسىنا ساي، اۋە كومپانياسىنىڭ ارى قارايعى جۇمىسى تۋرالى شەشىم قابىلدانادى. جاقىن ارادا تەكسەرۋ قورىتىندىسىن جاريالايمىز»، - دەدى ول.
ەسكە سالا كەتسەك، بۇعان دەيىن ق ر پرەمەر- ءمينيسترىنىڭ ورىنباسارى رومان سكليار BekAir ۇشاعىنىڭ اپاتقا ۇشىراۋ سەبەبىنىڭ باستى نۇسقاسىن اتاعان بولاتىن.
اۆتور ايان بەكەن ۇلى
