سەۋل پروكۋراتۋراسى پرەزيدەنت اكىمشىلىگىندە ءتىنتۋ جۇرگىزدى
سەۋل ورتالىق وكرۋگىنىڭ پروكۋراتۋراسىنان ءمالىم ەتكەندەي، پرەزيدەنت حاتشىلىعى كەڭسەسىندەگى ءتىنتۋ سەۋلدەن وڭتۇستىك- شىعىسقا قاراي 400 شاقىرىم قاشىقتىقتا ورنالاسقان قالادا وتكەن سايلاۋعا ارالاسۋ كۇدىگىمەن بايلانىستى.
ءتىنتۋ جۇمىستارى 2018 -جىلى ماۋسىمدا وتكەن سايلاۋدا ۋلساننىڭ قازىرگى مەرى سون چحول حونىڭ جەڭىسكە جەتۋىنە كومەكتەسكەن ءسوز بايلاسۋ تۋرالى دالەلدەردى جيناۋعا باعىتتالعان. ەكى جىل بۇرىن وڭتۇستىك كورەيا پرەزيدەنتى مۋن چجە يننىڭ جاقتاسى سون چحول حو «كورەيا تاۋەلسىزدىگى» وپپوزيتسيالىق پارتياسىنان سايلاۋعا تۇسكەن بۇرىنعى مەر كيم گي حەندى جەڭگەن ەدى.
ريەنحاپتىڭ حابارلاۋىنشا، پروكۋراتۋرا قىزمەتكەرلەرى ءتىنتۋ بارىسىندا پرەزيدەنت حاتشىلىعى كەڭسەسى مەن جەڭىسكە جەتكەن مەر سوننىڭ اراسىنداعى بايلانىستى ىزدەگەن.
بۇرىنعى مەر كيم ۋلساننىڭ پوليتسيا باسقارماسىن سايلاۋعا بىرنەشە اي قالعاندا ادەيى ونىڭ كەڭسەسىندە ءتىنتۋ جۇرگىزدى دەپ ايىپتاعان. ونىڭ ارتىندا پرەزيدەنت كەڭسەسى تۇرعانىن ءمالىم ەتكەن.
بۇل ءبىر ايدىڭ ىشىندە پرەزيدەنت اكىمشىلىگىندە جۇرگىزىلگەن ەكىنشى ءتىنتۋ. 2019 -جىلدىڭ جەلتوقسانىندا پروكۋراتۋرا جەمقورلىق تۋرالى تاعى ءبىر ىسكە بايلانىستى ءتىنتۋ جۇرگىزگەن بولاتىن.
