ۇشاق اپاتى: اۋەجاي ماڭىنان زاڭسىز جەر بەرگەندەر تەرگەلىپ جاتىر
«اۋەجاي اۋماعىنان تىس زاڭسىز قۇرىلىس بويىنشا: الماتى قالاسى بويىنشا سىبايلاس جەمقورلىققا قارسى ءىس- قيمىل قىزمەتى تالعار اۋدانىندا الماتى قالاسىنىڭ اۋەجايىنىڭ ماڭىنان زاڭسىز جەر تەلىمدەرىن بەرۋ بويىنشا سوتقا دەيىنگى تەرگەۋ امالدارىن جۇرگىزىپ جاتىر. انىقتالعانىنداي، 2015-2019 -جىلدار ارالىعىندا تالعار اۋدانىنىڭ لاۋازىمدى تۇلعالارى قىزمەتىن اسىرا پايدالانىپ، اۋەجايدىڭ سانيتارلىق قورعاۋ اۋماعىنان تۇرعىن ءۇي قۇرىلىسىن سالۋعا زاڭسىز جەر بەرىپ كەلگەن» ، - دەدى ول.
ايتا كەتەرلىگى، وسى جيىندا رومان سكليار BekAir ۇشاعىنىڭ اپاتقا ۇشىراۋ سەبەبىن اتادى.
ەسكە سالا كەتسەك، 2019 -جىلدىڭ 27 - جەلتوقسانىندا الماتىدان نۇر- سۇلتان قالاسىنا ۇشىپ شىققان بەكەير كومپانياسىنىڭ ۇشاعى راداردان جوعالىپ كەتتى. كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى. ۇشاق جەرگە قۇلاعان سوڭ سىرعاناپ بارىپ اۋەجاي اۋماعىنا جاقىن تۇستاعى اۋىل شەتىندەگى ەكى قاباتتى ۇيگە سوعىلعان.
ق ر پرەمەر- ءمينيسترى اسقار ءماميننىڭ توراعالىعىمەن ۇشاق اپاتىنىڭ سەبەپتەرىن تەرگەۋ بويىنشا ۇكىمەتتىك كوميسسيانىڭ وتىرىسى وتكىزىلگەن ەدى. وقيعانىڭ ءمان- جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا جىبەرىلدى.
