بەس جاسار بالا ابايسىزدا ءوز اكەسىن اتىپ تاستادى
بۇل تۋرالى ر ي ا نوۆوستي حابارلايدى.
«الدىن الا اقپارات بويىنشا، 3- قاڭتار كۇنى اكەسى سەيفتەن قارۋىن شىعارىپ، ەدەنگە قويىپ، بەس جاسار بالاسىنا كورسەتىپ جاتقان. وسى ساتتە ءبۇلدىرشىن ىشىندە وعى بار مىلتىقتىڭ شۇرىپپەسىن بايقاماي باسىپ قالعان. ول ەشتەڭە تۇسىنبەگەن. ال ازامات وقيعا ورنىندا جان تاپسىردى، جەدەل كومەك بريگاداسى تەك ءولىم تىركەدى»، - دەدى اگەنتتىككە سۇحبات بەرگەن ازامات.
سونداي-اق، ول جانۇيانىڭ تۇرمىسى جاقسى ەكەنىن، مارقۇم سەرگەي ستەكولنيكوۆ «يۆانتەيەۆ تاس كارەرى» جەتەكشىسى بولعانىن ايتىپ ءوتتى.
ر ي ا نوۆوستي دەرەگىنشە، ر ف تەرگەۋ كوميتەتى وبلىستىق باسقارماسى جەتەكشىسىنىڭ اعا كومەكشىسى نادەجدا ۆولوشينا ستەكولنيكوۆ ءولىمى فاكتىسى بويىنشا تەرگەۋ الدى تەكسەرۋ جۇمىستارىن جۇرگىزەدى. سونىڭ ناتيجسىندە پروتسەسسۋالدىق شەشىم قابىلدانادى.
