سولتۇستىك قازاقستان وبلىسىنىڭ تۇرعىنى جەمىستەردىڭ ىشىنەن بەلگىسىز زات تاپتى
پەتروپاۆل. قازاقپارات - سولتۇستىك قازاقستان وبلىسىندا جەمىستەن بەلگىسىز زات تابىلىپ، پوليتسەيلەر تەرگەۋ جۇمىستارىن جۇرگىزىپ جاتىر، دەپ حابارلايدى قازاقپارات پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
جاقىندا، تايىنشا اۋداندىق پوليتسيا بولىمشەسىنىڭ كەزەكشىلىك بولىمىنە قاراعاش اۋىلىنىڭ فەلدشەرى حابارلاسقان. مەديتسينا قىزمەتشىسىنىڭ ايتۋىنشا، وعان جاقىندا جەمىستەردەن دارىگە ۇقسايتىن اق ءتۇستى زات تاپقان اۋىل تۇرعىنى كەلگەن.
«وقيعا «قاۋىپسىزدىك تالاپتارىنا ساي كەلمەيتىن تاۋارلاردى شىعارۋ نەمەسە ساتۋ، جۇمىستاردى ورىنداۋ نە قىزمەتتەر كورسەتۋ» قىلمىستىق بابىنىڭ سوتقا دەيىنگى تەرگەۋ جۇمىستارىنىڭ ءبىرىڭعاي رەەسترىنە ەنگىزىلدى. تابىلعان زاتتىڭ نە ەكەنىن انىقتاۋ ءۇشىن كەشەندى شارالار جۇرگىزىلىپ جاتىر. تەرگەۋ جۇمىستارىنا قاتىسى بار مەكەمەلەردىڭ ماماندارى تارتىلىپ، قاجەتتى ساراپتاما جۇمىستارى تاعايىندالدى»، - دەدى تەرگەۋ باسقارماسىنىڭ باسشىسى قايرات قاسىمبەكوۆ.
ءىستى پوليتسيا دەپارتامەنتىنىڭ باسشىسى مەن وبلىستىق پروكۋراتۋرا باقىلاۋدا ۇستاپ وتىر.
