وتەيبويداقتىڭ وسيەتى
بۇل ماقسات ورىندالۋىنا بىرلىك تاتتىلىگىنىڭ ماڭىزى زورلىعى اشىق ويمەن ايتىلادى. شيپاگەر وتەيبويداق تىلەۋقابىل ۇلى ەڭبەگىنىڭ ەڭ قۇنىلىعىنىڭ ءبىر جاعى ادام بالاسىن يماندىلىققا، ادامگەرشىلىككە، قايىرىمدىلىققا، ادەپتىلىككە، وتان سۇيگىشتىككە جەتۋ جولدارىنا دۇرىس باعىت بەرۋى. ول ادام قالىپتى ءومىر ءسۇرۋ ءۇشىن مىنا نارسەلەردەن ايىرىلماۋ كەرەك ەكەندىگىن ايتادى:
- اقىلىڭنان ايىرىلما.
- ەل باستاۋشى كوسەمىڭنەن ايىرىلما
- شەشەنىڭنەن ايىرىلما
- كوپپەن كورەسىڭ، ەلىڭنەن ايىرىلما
- جانىڭدى السا دا، سىرىڭنان ايىرىلما.
- جامان دەپ قاتىنىڭنان، كوشەم دەپ وتىنىڭنان ايىرىلما.
- ريزعىسىز پەندە بولماس، دايار اسىڭ - مالدان ايىرىلما.
- اعايىن، تۋىس، دوس-جارانسىز كىم بار؟ بولماشقا وكپەلەپ، دوسىڭنان ايىرىلما.
- قىرىق نايزا قارعى دەپ، قارقۋداي باسپاناڭ قوسىڭنان ايىرىلما.
- پەندە قارۋ ساناتى بەس قارۋدى تاستاما. شىبىن جانىڭ شىققانشا نامىسىڭنان ايىرىلما.
قاي- قاشان دا قوناققا تيىسپەۋ. قوناق ديدار- عايىپ دەگەندەي، قاي مەزگىلدە ۇيگە قوناق كەلسە قارسى الىپ، كۇتىپ الۋ ماعىناسىندا ايتىلعان.
قاي-قاشان دا كورشىگە تيىسپەۋ. قازاق كورشىسىن رەنجىتپەگەن، كورشىلەرمەن تاتۋ-ءتاتتى بولۋدى دارىپتەگەن.
قاي-قاشان دا ەلشىگە تيىسپەۋ. سوناۋ جاۋگەرشىلىك زاماننان بەرى ەكى جاق ەلشىگە تيىسپەۋ تۋرالى كەلىسىم جاساسقان. قاي-قاي ەلشىگە دە تيىسۋگە بولمايدى.
ءوزىڭدى زور، باسقانى قور دەمە. كوپپەن كورەرسىڭ، ەلىڭنەن ايىرىلما، ءوزىڭدى مىقتىمىن دەپ وزگەنى قور ساناۋعا بولمايدى.
كەبەنەك ءىشى مىڭ ارىپ، مىڭ سەمىرمەك. جانىڭدى السا دا، سىرىڭنان ايىرىلما. ادامدار ومىردە بىردە ازاپ شەكسە، بىردە راحات كورەدى، قۇپيانى ساقتاي ءبىلۋ، وزىنە وپاسىزدىق جاساماۋ كەرەك.
جامان دەپ قاتىنىڭنان، كوشەمىن دەپ الىپ قويعان وتىنىڭنان ايىرىلما. ءوز تۋىس، اعايىندارىڭنان بەزبە، وزىڭە- ءوزىڭ مىقتى بول.
پەندە قادىر ساناتى بەس قارۋدى تاستاما. شىبىن جانىڭ شىققانشا نامىسىڭنان ايىرىلما، جامان جولداسىڭ بولسا، جانىڭدا قانجارىڭ بولسىن، ولىمنەن ۇيات كۇشتى، كەزى كەلگەندە نامىستى قورعاي ءبىلۋ كەرەك.
ونىڭ بۇل فيلوسوفيالىق وي تولعامى ادالدىققا، باتىلدىققا، پاراساتتىلىققا، وتانى مەن حالقىن قورعاۋعا اقىل- كەڭەسى ەكەنىن ايقىندايدى. بۇكىل الەم يبن سينا مەن ءابۋ ناسىر ءال- فارابيدىڭ ۇلى تۋىندىلارىن بىلەتىنىن ەسكەرسەك، ماڭىزدىلىعى جاعىنان ولاردان قالىسپايتىن ەڭبەك جازعان وتەيبويداقتىڭ ەسىمى دە قازاق حالقى ءۇشىن ۇمىتىلمايدى.
شيپاگەرلىك بايان» كىتابى ارقىلى وتەيبويداق تىلەۋقابىل ۇلىنىڭ تەك قانا عۇلاما شيپاگەر ەمەس، سونىمەن بىرگە حالىقتىڭ ءومىر سالتىنا، دۇنيەتانىمىنا، رۋحاني مادەنيەتىنە مەيىلىنشە قانىق بولعانى، ءوز زامانىنىڭ تەرەڭ ويلى، ۇلتجاندى تۇلعاسى بولعانى ايقىن اڭعارىلادى.
2002 -جىلى قازاقستان حالىق ەمشىلەر قاۋىمداستىعى وتەيبويداقتىڭ جەرلەنگەن جەرى الماتى وبلىسى رايىمبەك اۋدانىنىڭ شالكودە جايلاۋىنداعى ايقايتاس بوكتەرىنە ارنايى قۇلپىتاس ورناتتى. الماتى قالاسىنداعى ءبىر كوشەگە اتى بەرىلدى.
