قازاقستانعا تۇبەگەيلى ساياسي وزگەرىستەر كەرەك پە؟
- قازىر قازاقستاندا ساياسي جاڭعىرۋ ۇدەرىسى ءجۇرىپ جاتىر. ەلباسىنىڭ قولداۋىمەن بيلىككە باسشىلاردىڭ جاڭا بۋىنى كەلە باستادى. سوعان قاراماستان، ەلىمىزدە تۇبەگەيلى ساياسي وزگەرىس كەرەك دەگەن ويلار دا ءجيى ايتىلىپ جاتادى. ءبىراق بۇل ماسەلە بويىنشا ۇلتتىق مامىلەگە كەلۋدىڭ، مەملەكەت مۇمكىندىكتەرىن شىنايى باعالاۋدىڭ جانە جۇكتەلگەن مىندەتكە جاۋاپكەرشىلىكپەن قاراۋدىڭ ماڭىزى زور. وزگەرىس دەپ بايبالام سالاتىندار ەلىمىزدىڭ بولاشاعىن بايىپتامايدى، جاي عانا پوپۋليستىك يدەيالارعا تابان تىرەيدى، - دەپ جازعان پرەزيدەنت.
- اباي مۇراسى - ءبىزدىڭ ۇلت بولىپ بىرلەسۋىمىزگە، ەل بولىپ دامۋىمىزعا جول اشاتىن قاستەرلى قۇندىلىق. جالپى، ءومىردىڭ قاي سالاسىندا دا ابايدىڭ اقىلىن الساق، ايتقانىن ىستەسەك، ەل رەتىندە ەڭسەلەنەمىز، مەملەكەت رەتىندە مۇراتقا جەتەمىز. اباي ارمانى - حالىق ارمانى. حالىق ارمانى مەن اماناتىن ورىنداۋ جولىندا ايانباعانىمىز ابزال. ابايدىڭ وسيەت-ونەگەسى XXI عاسىرداعى جاڭا قازاقستاندى وسىنداي بيىكتەرگە جەتەلەيدى، دەپ تۇيىندەگەن ماقالاسىن پرەزيدەنت.
