ءبىز ۇلى اباي اڭساعان قوعام قۇرۋعا قادام باسىپ كەلەمىز - التاي كولگىنوۆ
«بۇگىن مەملەكەت باسشىسى قاسىم-جومارت كەمەل ۇلى توقايەۆتىڭ «اباي جانە XXI عاسىرداعى قازاقستان» اتتى كولەمدى ماقالاسى جارىق كورىپ، قوعام قىزۋ تالقىلاپ جاتىر. اباي فيلوسوفياسى ۋاقىت وتكەن سايىن وزەكتىلىگىن جوعالتپاي، كەرىسىنشە، جاڭا عاسىردا دا ۇلت تاربيەسىنىڭ التىن قازىعى بولاتىنى جايلى اتالعان ماقالادا جان- جاقتى كورسەتىلگەن. قاسىم- جومارت كەمەل ۇلى ماقالاسىندا بىلاي دەپ جازادى: ء«قازىر الەم كۇن سايىن ەمەس، ساعات سايىن وزگەرۋدە. بارلىق سالادا جاڭا مىندەتتەر مەن تىڭ تالاپتار قويىلۋدا. عىلىمداعى جاڭالىقتار ادامدى العا جەتەلەيدى. اقىل- ويمەن عانا وزاتىن كەزەڭ كەلدى. زامان كوشىنە ىلەسىپ، ىلگەرى جىلجۋ ءۇشىن ءبىز سانانىڭ اشىقتىعىن قامتاماسىز ەتۋىمىز كەرەك. بۇل قادام وركەنيەتتىڭ وزىق تۇستارىن ۇلتتىق مۇددەمەن ۇيلەستىرە ءبىلۋدى تالاپ ەتەدى. مۇنداي كەزدە ءوزىمىزدىڭ تاپتاۋرىن، جاداعاي ادەتتەرىمىزدەن باس تارتۋىمىز قاجەت. ابايدىڭ كەيبىر قارەكەتتەرگە كوڭىلى تولماي، «تەرەڭ وي، تەرەڭ عىلىم ىزدەمەيدى، وتىرىك پەن وسەكتى جۇندەي ساباپ« دەپ ۇنەمى سىني كوزبەن قاراۋىنىڭ سەبەبى وسىندا»، - دەپ جازادى قالا باسشىسى Facebook-تە.
ونىڭ اتاپ وتىنشە، ەلوردامىزدا تۇرعىنداردىڭ ءبىلىم الۋىنا، عىلىممەن تەرەڭ اينالىسۋىنا، جۇمىس ىستەۋىنە، سپورتپەن شۇعىلدانۋىنا، جالپى ءوزىن- ءوزى دامىتۋعا جاعداي جاسالعان. ادام ءوزىن- ءوزى ۇزدىكسىز دامىتۋىنىڭ باستى كىلتى - ءوزىن-ءوزى جەڭە ءبىلۋى. ەرىنشەكتىكتى، جالقاۋلىقتى ەڭسەرىپ، ەڭبەك ەتكەندە عانا ادام سەرگەك جۇرمەك.
«ءبىز قالاي دەسەك تە، ۇلى ويشىل اڭساعان قوعام قۇرۋعا قادام باسىپ كەلەمىز. تاۋەلسىزدىگىمىزدىڭ ارقاسىندا وشكەنىمىز قايتا جانىپ، ۇلت رەتىندە سانامىز قايتا جاڭعىرىپ جاتىر. بۇل - ءبىزدى قۋانتادى.
«ءبىرىڭدى قازاق، ءبىرىڭ دوس، كورمەسەڭ ءىستىڭ ءبارى بوس» دەگەن اباي بابامىزدىڭ بىرلىككە شاقىرعان ءسوزىن ۇران ەتىپ، ءارقايسىمىز ءوز ەڭبەگىمىزبەن اقىرىن ءجۇرىپ انىق باسساق، ەڭبەگىمىز ەش ۋاقىتتا دالاعا كەتپەس. بيىل - ۇلى ويشىلدىڭ 175 جىلدىعى. قاسىم- جومارت كەمەل ۇلىنىڭ قولداۋىمەن ءبىلىم كۇنى نۇر-سۇلتان قالاسىندا №87-قازاق ورتا مەكتەبى اشىلدى. ايتا كەتۋ كەرەك، اتالعان مەكتەپتە اباي مۋزەيىنىڭ دە نەگىزى قالاندى. مەملەكەت باسشىسىنىڭ تاپسىرماسىنا سايكەس بيىل ەلوردامىزدا «اباي الەمى» ورتالىعى اشىلادى. قازىر ورتالىقتىڭ ورنى انىقتالدى، قۇرىلىسى باستالادى. «اباي الەمىنىڭ» ۇلت رۋحانياتىنىڭ دامۋىنا زور ۇلەس قوسارى ءسوزسىز»، - دەدى التاي كولگىنوۆ.
اۆتور: مارلان جيەمباي
