قىستا ومىرگە كەلگەن سابيلەردىڭ قانداي ەرەكشەلىكتەرى بار
وسىعان سايكەس، قىس مەزگىلىندە ءومىر ەسىگىن اشقان سابيلەردىڭ ەرەكشەلىكتەرى تۋرالى قىزىقتى دەرەكتى Massaget.kz باسىلىمى ۇسىنادى.
1. جاقسى وقيدى
قىستا دۇنيەگە كەلگەندەر جازدا تۋعاندارعا قاراعاندا بىرنەشە اي ۇلكەن بولادى. دايىندىق مەكتەبى مەن ءبىرىنشى سىنىپقا بارعاندا بالالاردىڭ جاس ايىرماشىلىعىنداعى بىرنەشە ايدىڭ ءوزى ءرول وينايتىنى دالەلدەنگەن. سول سەبەپتى، ميى ءسال ەرتەرەك دامىپ، پسيحولوگيالىق تۇرعىدان دا وقۋ ورنىنا بارۋعا دايىن بولادى.
2. دەنەلەرى ءىرى
زەرتتەۋلەرگە سۇيەنسەك، قىستا ءومىر ەسىگىن اشقان بالالاردىڭ سالماعى اۋىر، دەنەلەرى ىرىرەك كەلەدى. بۇنىڭ سەبەبى ازىرگە بەلگىسىز، الايدا عالىمدار الداعى ۋاقىتتا ونى دا زەرتتەپ، ءتۇسىندىرىپ بەرەتىنى ءسوزسىز.
3. شالا تۋۋى ىقتيمال
جىلدىڭ سۋىق ماۋسىمىندا تۇماۋ جانە باسقا دا سول سياقتى ۆيرۋستار تەز تارايدى. اناسى وسىنداي اۋرۋ جۇقتىرىپ السا، ۋاقىتىنان ەرتەرەك بوسانىپ قالۋى مۇمكىن.
4. ءجيى اۋىرادى
قىستا ۆيرۋس پەن ينفەكتسيا ءجيى تارايتىنىن ايتتىق. قورعانۋ ءۇشىن جاڭا تۋعان ءسابيدىڭ يممۋندىق جۇيەسى ءالسىز بولادى. سوندىقتان ومىرگە كەلگەن بالالاردى سۋىقتان، جۇقپالى ينفەكتسيالاردان مۇقيات ساقتاۋ كەرەك.
5. تەرى كۇتىمى
جاز ماۋسىمىنا قاراعاندا قىستا اۋا قۇرعاق بولادى. بۇل ماسەلەمەن ۇيدە كۇرەسۋگە بولادى، ال دالادا وعان ەشكىم ەشتەڭە ىستەي المايدى. وسىعان بايلانىستى نارەستە تەرىسى ءجيى قۇرعاپ، ۇنەمى ىلعالداندىرىپ وتىرۋدى قاجەت ەتەدى.
6. كۇن جەتىسپەۋشىلىگى
قىس مەزگىلىندە ءۇي تەرەزەسىنەن عانا شاعىلىسىپ كۇن كورىنگەنىمەن، جاز ايلارىنداعىداي قىزدىراتىن كۇشكە يە بولمايدى. ال كۇن ساۋلەسىنەن الىناتىن D دارۋمەنى ءسابيدىڭ بويىنا دارىماسا، راحيت اۋرۋىنا شالدىعىپ، جەتىلۋى كەشەۋىلدەۋى ىقتيمال.
