يران كاسەم سۋلەيمانيدىڭ ءولىمى ءۇشىن كەك الىپ بولعانىن مالىمدەدى
سونداي-اق تاياۋ شىعىس ەلى ا ق ش تاراپىنان اگرەسسيا بولماسا، وندا ولار ەشقانداي اسكەري شابۋىل جاسامايتىنىن ايتتى دەپ حابارلايدى ت ا س س.
بۇل تۋرالى يراننىڭ ب ۇ ۇ جانىنداعى تۇراقتى وكىلى ماجيد تاحت-راۆانچي ت ا س س اگەنتتىگىنىڭ ا ق ش پرەزيدەنتى دونالد ترامپتىڭ سوزىنە تەھراننىڭ رەاكسياسى تۋرالى سۇراعىنا جاۋاپ بەرە وتىرىپ مالىمدەگەن.
«ءبىزدىڭ بارلىق ارەكەتتەرىمىز كاسەم سۋلەيمانيگە جاسالعان قاستاندىققا پروپورتسيونال كەلدى. ولار اياقتالدى. ەگەر ا ق ش يرانعا قاتىستى اسكەري قيمىلدار قابىلداماسا، ءبىزدىڭ تاراپىمىزدان - ءبىز دە ەشقانداي ءىس-ارەكەت جاسامايمىز»، - دەدى ول.
ديپلومات يسلام رەسپۋبليكاسى ب ۇ ۇ جارعىسىنىڭ 51-بابىنا سايكەس ارەكەت ەتىپ، ءوزىن-ءوزى قورعاۋ قۇقىعىن ىسكە اسىردى دەپ اتاپ ءوتتى.
«ەگەر ا ق ش اسكەري ارەكەتتەرگە بارۋعا شەشىم قابىلداسا، يراننىڭ جاۋاپ بەرۋدەن باسقا امالى قالمايدى»، - دەدى ماجيد تاحت-راۆانچي.
ەسكە سالا كەتەيىك، جاقىندا ا ق ش- تىڭ ارنايى وپەراتسياسى ناتيجەسىندە «ال- كۋدس» يسلام ريەۆوليۋتسياسى كۇزەتى كورپۋسىنىڭ قولباسشىسى - گەنەرال كاسەم سۋلەيماني قازا تاپتى. ارنايى وپەراتسياعا جاۋاپكەرشىلىكتى پەنتاگون ءوز موينىنا الىپ، گەنەرالدى ءولتىرۋ تۋرالى بۇيرىقتى پرەزيدەنت ترامپتىڭ ءوزى بەرگەنىن مالىمدەدى.
وسىلايشا، ا ق ش باعداتتاعى ەلشىلىكتەرىنە جاسالعان شابۋىلعا جاۋاپ قايتاردى. اتالعان وقيعادان كەيىن تەگەران قاتاڭ تۇردە كەك الۋعا ۋادە بەرگەن بولاتىن.
