اۋستراليادا ورمان ورتىنەن ميللياردتاعان جانۋار قىرىلدى

سيدنەي ۋنيۆەرسيتەتىنىڭ دەرەگىنە سايكەس، وسى جانۋارلاردىڭ 800 ميلليونى جاڭا وڭتۇستىك ۋەلس شتاتىنداعى ورمان ورتىنەن قىرىلعان.

اۋستراليادا ءورت ماۋسىمى ادەتتە جەلتوقساننان ناۋرىزعا دەيىن بولاتىن، ءبىراق بيىل قىركۇيەكتە باستالىپ، ءالى بىرنەشە ايعا جالعاسادى.

ەلدەگى اۋقىمدى ءورتتىڭ سالدارىنان اۋستىرليا ءتىرى تابيعاتىنا ايتارلىقتاي زيان كەلدى.

شتاتتىڭ مەملەكەتتىك ءورت ءسوندىرۋ قىزمەتىنىڭ مالىمەتىنشە، 2019 -جىلدىڭ قىركۇيەگىنەن باستاپ جاڭا وڭتۇستىك ۋەلس شتاتىندا ءورت سالدارىنان 1687 ءۇي، 2020 -جىلدىڭ 1 - قاڭتارىنان - 771 ءۇي قيراعان.

جەرگىلىكتى ءورت سوندىرۋشىلەردىڭ ارقاسىندا شتاتتاعى 21000 ءۇي امان قالعانى اتالىپ ءوتتى.

اۋستراليا پرەمەر- ءمينيسترى سكوتت مورريسون دۇيسەنبى كۇنى ەلدە كەم دەگەندە 25 ادام قازا تاۋىپ، 2 مىڭ ءۇي قيراعانىن ءمالىم ەتتى. اۋستراليادا ءورت ماۋسىمىنىڭ باسىندا 12 ميلليون ا ك ر جەر ورتكە ورانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى