ق ر پرەزيدەنتى: ۇلتتى ابايشا ءسۇيۋدى ۇيرەنۋىمىز كەرەك
بۇل تۋرالى قاسىم- جومارت توقايەۆ ءوزىنىڭ «اباي جانە ХХІ عاسىرداعى قازاقستان» اتتى ماقالاسىندا جازدى، دەپ حابارلايدى قازاقپارات.
«اباي قازاقتىڭ ءار بالاسىن ۇلتجاندى ازامات ەتىپ تاربيەلەۋگە شاقىردى. ونىڭ مۇراسى - پاراساتتى پاتريوتيزمنىڭ مەكتەبى، ەلدىكتى قادىرلەۋدىڭ نەگىزى. سوندىقتان، ازاماتتارىمىزدىڭ كوزى اشىق بولسىن دەسەك، ابايدى وقۋدان، اقىن ولەڭىن جاتتاۋدان جالىقپاعان ءجون» ، - دەلىنگەن مەملەكەت باسشىسىنىڭ ماقالاسىندا.
پرەزيدەنت ماقالاسىندا سونداي- اق ابايدىڭ مول مۇراسى قازاق ۇلتىنىڭ جاڭا ساپاسىن قالىپتاستىرۋعا قىزمەت ەتەتىندىگىن ايتادى. ونىڭ شىعارمالارىنداعى وي- تۇجىرىمدار ءاربىر جاستىڭ بويىندا حالقىنا، ەلى مەن جەرىنە دەگەن پاتريوتتىق سەزىمدى ورنىقتىرادى. سوندىقتان حاكىم اباي ەڭبەكتەرىنىڭ ءنارىن وسكەلەڭ ۇرپاقتىڭ ساناسىنا ءسىڭىرۋ جانە ومىرلىك ازىعىنا اينالدىرۋ - ۇلتتى جاڭعىرتۋعا جول اشاتىن ماڭىزدى قادامنىڭ ءبىرى.
ايتا كەتەيىك، قازاقپارات بۇگىن قاسىم- جومارت توقايەۆتىڭ «اباي جانە ХХІ عاسىرداعى قازاقستان» اتتى ماقالاسىن اقوردانىڭ باسپا ءسوز قىزمەتىنە سىلتەمە جاساپ جاريالادى.
