يرانداعى ۇشاق اپاتىنىڭ قۇلاۋىنا نەگىزگى سەبەپ رەتىندە تەراكتتى قاراستىرۋ ۇسىنىلدى
ساراپشىنىڭ سوزىنشە، قازىرگى كەزدەگى يران مەن ا ق ش اراسىنداعى كيكىلجىڭ كەزىندە ۋكرايندىق ۇشاقتىڭ قۇلاۋى جاي ەمەس. بۇعان قوسا ول يراننىڭ ا ق ش بازاسىنا زىمىراندىق شابۋىلىن تىلگە تيەك ەتىپتى.
«سول سەبەپتى تەراكت نەمەسە ۇشاققا زىمىران اتۋ باستى نازارعا الىنۋى قاجەت»، - دەيدى ۆاديم لۋكاشيەۆيچ.
بۇگىنگى كۇنى ۇشاقتىڭ قۇلاۋىنا سەبەپ بولعان جاعداي قوزعالتقىشتىڭ جانۋى كورىنەدى. دەگەنمەن لۋكاشيەۆيچ بۇل سەبەپ ەمەس، وقيعانىڭ سالدارى دەيدى.
«ۆيدەودا ەگەر ول جالعان بولماسا، ۇشاقتىڭ 25 گرادۋسقا ەڭكەيىپ قۇلاپ كەلە جاتقاندىعى بايقالادى. سونىمەن قاتار ونىڭ قوزعالتقىشى وسى ساتتە وتقا ورانعان، ياعني ۇشاقتىڭ تىزگىنىن قولعا ۇستاۋ مۇمكىن ەمەس بولعان»، - دەپ قوستى رەسەيلىك ساراپشى.
بۇعان قوسا ول اۋە كەمەسىنىڭ قالدىقتارىنىڭ اراسىندا تابىلعان بولشەكتەر قولمەن باسقارىلاتىن زەنيتتىك زىمىراننان كەلگەن زاقىمنان بولۋى مۇمكىن ەكەندىگىن جەتكىزدى. لۋكاشيەۆيچ وسىلايشا ۇشاق جەرگە قۇلاعاننان كەيىن جارىلعانىن مەڭزەدى.
ساراپشى يران باسشىلىعىن دا سىنعا الدى. ايتۋىنشا، ۆاشينگتونمەن بولعان كيكىلجىڭ كەزىندە مەملەكەت وزدەرىنىڭ اۋە كەڭىستىگىن جاپپاعان. تەگەراننىڭ اۋە قاۋىپسىزدىگىن ەسكەرمەۋى ناعىز قىلمىس دەدى ۆاديم لۋكاشيەۆيچ.
