اباي ءبىر عاسىر بۇرىن ۇلتتى جاڭعىرۋعا، جاڭا ومىرگە بەيىم بولۋعا شاقىرعان - پرەزيدەنت
شىن مانىندە، بۇل - ۇلتتىق مۇرالارىمىزدى بۇگىنگى وڭ ۇردىستەرمەن ۇيلەستىرە دامىتۋدى كوزدەيتىن قۇبىلىس. بۇل رەتتە، ءبىز ابايدى اينالىپ وتە المايمىز. سەبەبى، ۇلى ويشىل وسىدان ءبىر عاسىردان استام ۋاقىت بۇرىن ۇلتتى جاڭعىرۋعا، جاڭارۋعا، جاڭا ومىرگە بەيىم بولۋعا شاقىرعان.
قاسىم-جومارت توقايەۆ دانيال احمەتوۆتى قابىلدادى قاسىم- جومارت توقايەۆقا قازاقستان حالقىنىڭ 74,9 پروتسەنتى سەنەدى مەملەكەت باسشىسى ا ق ش- تىڭ ساياسي جانە ساراپشى توپ وكىلدەرىمەن كەزدەسۋ وتكىزدى
بۇل تۋرالى مەملەكەت باسشىسىنىڭ «اباي جانە ХХІ عاسىرداعى قازاقستان» اتتى ماقالاسىندا ايتىلعان.
«ابايدىڭ شىعارمالارىنا زەر سالساق، ونىڭ ۇنەمى ەلدىڭ العا جىلجۋىنا، ءوسىپ-وركەندەۋىنە شىن نيەتىمەن تىلەۋلەس بولعانىن، وسى يدەيانى بارىنشا دارىپتەگەنىن بايقايمىز. ال، ىلگەرىلەۋدىڭ نەگىزى ءبىلىم مەن عىلىمدا ەكەنىن انىق بىلەمىز. اباي قازاقتىڭ دامىلسىز وقىپ- ۇيرەنگەنىن بار جان-تانىمەن قالادى. «عىلىم تاپپاي ماقتانبا» دەپ، ءبىلىمدى يگەرمەيىنشە، بيىكتەردىڭ باعىنا قويمايتىنىن ايتتى. ول «ءبىز عىلىمدى ساتىپ مال ىزدەمەك ەمەسپىز»، - دەپ تۇجىرىمداپ، كەرىسىنشە، ەل داۋلەتتى بولۋى ءۇشىن عىلىمدى يگەرۋ كەرەكتىگىنە نازار اۋداردى. ۇلى ابايدىڭ «پايدا ويلاما، ار ويلا، تالاپ قىل ارتىق بىلۋگە» دەگەن ونەگەلى وسيەتىن دە وسى تۇرعىدان ۇعىنۋىمىز قاجەت. بۇل تۇجىرىمدار قازىر دە اسا وزەكتى. ءتىپتى بۇرىنعىدان دا زور ماڭىزعا يە بولىپ وتىر. سەبەبى، ХХІ عاسىرداعى عىلىمنىڭ ماقساتى بيىككە ۇمتىلۋ، الىسقا قۇلاش سەرمەۋ ەكەنىن كورىپ وتىرمىز» دەي كەلە، مەملەكەت باسشىسى ماقالاسىندا «ءبىزدىڭ مىندەتىمىز - وسى ىلگەرى كوشكە ىلەسىپ قانا قويماي، الدىڭعى قاتاردان ورىن الۋ» ەكەنىن اتاپ وتكەن.
سونداي-اق، وسى ماقساتقا جەتۋدىڭ جولدارىن ايقىن كورسەتكەن: «ول ءۇشىن، ەڭ الدىمەن، ءبىلىم بەرۋ سالاسىن زامانعا ساي دامىتۋىمىز كەرەك. سول ماقساتتا اۋقىمدى جۇمىستار اتقارىلعانىمەن، وتاندىق ءبىلىم بەرۋ ىسىندە ءالى دە ولقى تۇستار بار. ونى جەتىلدىرۋ جولدارىن سايلاۋ الدىنداعى باعدارلامامدا جانە وتكەن جىلعى تامىز كونفەرەنتسياسىندا ناقتى اتاپ كورسەتتىم.
«پەداگوگ مارتەبەسى تۋرالى» زاڭنىڭ قابىلدانۋى - وسى باعىتتاعى يگى باستامالاردىڭ ءبىرى. بۇل - ساپالى ءبىلىم بەرۋ ءىسىن جەتىلدىرۋگە ارنالعان قادام. جالپى، كەز- كەلگەن قوعامدا ۇستازدىڭ ورنى بولەك. مۇعالىمدەر ءبىلىمدى ءارى سانالى ۇرپاق تاربيەلەۋ ىسىندە اسا ماڭىزدى ءرول اتقارادى. ۇستازعا قۇرمەت كورسەتىپ، قادىرلەۋ - ءبارىمىزدىڭ مىندەتىمىز. سوندىقتان مەملەكەت مۇعالىم ماماندىعىنىڭ مارتەبەسىن كوتەرىپ، الاڭسىز جۇمىس ىستەۋىنە جاعداي جاساۋى كەرەك».
ايتا كەتەيىك، بۇعان دەيىن «قازاقپارات» اگەنتتىگى اقوردانىڭ رەسمي سايتىنا سىلتەمە جاساي وتىرىپ، قاسىم- جومارت توقايەۆتىڭ «اباي جانە ХХІ عاسىرداعى قازاقستان» اتتى ماقالاسىن جاريالاعان بولاتىن.
