اۆستراليادا الاپات ءورت نەدەن تۇتاندى؟ باستى ءۇش سەبەپ

 ونىڭ ۇستىنە، اۆستراليادا ەۆكاليپت اعاشى وسەدى. جاپىراعىنىڭ قۇرامىندا ەفير مايى بولعاندىقتان ساناۋلى سەكۋند ىشىندە تۇگى قالماي جانىپ كەتەدى. ال ءدانى ورتتەن كەيىن دە ونە الاتىنداي قالىپتا ساقتالادى ەكەن.

مامانداردىڭ ايتۋىنشا، مۇنداي جاعدايدا اعاش ادەتتەگىدەن وسكىش كەلەدى. قازىر اۆستراليادا جازدىڭ بەل ورتاسى. كۇن كۇيىپ تۇر. كوكتەم ايىنان بەرى جاڭبىر از جاۋدى. مۇنىڭ بارلىعى كەزەكتى رەت ورمان ورتىنە اكەپ سوقتى. كەيبىرەۋلەر ەلدەگى اپاتقا ەكولوگيا بەلسەندىلەرىن كىنالايدى.

 ايتۋلارىنشا، ولار جاسىل جەلەكتى وتاۋعا قارسى بولعان. ال ورماندى كۇتىپ ۇستاۋعا كەلگەندە وزدەرى سەلقوستىق تانىتقان. كارى، قاۋساپ قالعان اعاشتاردى دەر كەزىندە كەسپەگەن. اۆستراليالىق ساياساتكەرلەر وسىنداي ءۋاج ايتىپ وتىر.

 «دەگەنمەن، وسى جولعى ءورتتىڭ دەسى 1851-جىلعىدان باسەڭ»، - دەيدى ولار. اۆستراليادا ءورت قولدان قويىلىپ كەلدى. ياعني، مامانداردىڭ باقىلاۋىمەن كەۋىپ قالعان شوپتەر ورتەلەتىن. بيىل بيلىك بۇل ىسكە قاراجاتتى قىسقارتىپ، سانىن ازايتقان. بۇل جەردە دە بەلسەندىلەردىڭ قاتىسى بار ەكەنىن ايتا كەتكەن ءجون. ولار قولدان جاسالعان ءورت ورماندى مەكەن قىلاتىن قۇستار الەمىنە زيانىن تيگىزەدى دەگەن جەلەۋمەن دوعارۋدى تالاپ ەتتى.

ماسەلەن، ۆيكتوريا شتاتىندا ەرەۋىلشىلەر بۇل ماقساتتارىنا جەتتى. بۇعان دەيىن 4 ايدان بەرى بەتى قايتپاي جاتقان ورتتەن 23 ادام كوز جۇمىپ، 17 ادام ءىز- ءتۇزسىز جوعالعانىن جازعانبىز.

 strana.ua

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى