ەلوردادا شىعارماشىل جاستاردىڭ ورتالىعىن قۇرۋ ۇسىنىلدى

«ەلوردادا كەرەمەت وقۋشىلار سارايى بار. وندا ءتۇرلى ۇيىرمەلەر جۇمىس ىستەيدى جانە بالالار سول جەردە ءتالىم الىپ ءجۇر. ەندى ەلوردامىزعا شىعارماشىل جاستاردىڭ ورتالىعى كەرەك. ءبىزدىڭ قاۋىمداستىقتا قازىر 8 انيماتسيالىق كينوستۋديا بار. ولار ءاربىر جەردە اي سايىن 300-400 مىڭ تەڭگە ارەندا تولەپ، جان- جاقتا شاشىراپ ءجۇر. ەگەر وسىنداي شىعارماشىل ورتالىق بولسا، ءبىز ءبىر جەردە شوعىرلانار ەدىك» ، - دەدى اگەنتتىك تىلشىسىنە قازاقستاننىڭ انيماتسيالىق كينوستۋديالارى قاۋىمداستىعىنىڭ ءتوراعاسى جانىبەك ورازالى.

وسى ورايدا ول نۇر- سۇلتان قالاسىندا بۇل ىسكە ۇلەس قوسا الاتىن كومپوزيتورلار، سۋرەتشىلەر بار ەكەنىن اتاپ ءوتتى.

«سونىڭ بارلىعىن جيناقتايتىن شىعارماشىلىق ورتالىق كەرەك سياقتى. ءبىز جالعا الۋ سوماسىن تولەۋگە دايىنبىز. وسى ورايدا جەڭىلدىكتەر بولسا، تىپتەن جاقسى بولار ەدى. ويتكەنى شەتەلدەن ماماندار كەلگەن كەزدە، تاجىريبە الماسىپ، بىرلەسە جۇمىس ىستەيتىن ارنايى ورىن بولماي تۇر» ، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى