ينتەرنەتتەن قازاق مۋلتفيلمىن تاپپاعان بالا، شەتەلدىك ءونىم ىزدەيدى - ساراپشى

«بىزدە بىلىكتى ماماندار بار. ەندى قارجىلاندىرۋ ءتيىستى دەڭگەيدە بولسا، جىلىنا 2 تولىقمەتراجدى، 10 قىسقامەتراجدى مۋلتفيلم شىعارۋ مۇمكىندىگى جاسالادى. بۇل تۇرعىدا «Balapan» ارناسىندا وندىرىلەتىن ونىمدەردى قوسىپ وتىرعان جوقپىن. ال «Balapan» تەلەارناسىندا جىلىنا ءوز الدىنا 200-300 مينۋتتىق انيماتسيالىق فيلمدەر جاساۋعا قاۋقارى بار» ، - دەدى ج. ورازالى.

ونىڭ سوزىنە قاراعاندا، بۇگىندە «Balapan» ارناسىنداعى ساپالى ونىمدەر بالالاردىڭ ەداۋىر قىزىعۋشىلىعىن تۋدىرىپ كەلەدى.

«جالپى، بالالارعا ەكراندا كورسەتىلەتىن فيلمدەر وزىندىك اسەرىن تيگىزەتىنى بەلگىلى. سوندىقتان «Balapan» ارناسىندا كورسەتىلەتىن انيماتسيالىق فيلمدەر سانىن جىل سايىن ارتتىرعان دۇرىس. جاسىرىن ەمەس، بۇگىندە بالالار YouTube كانالىنداعى مۋلتفيلمدەردى كوپ تاماشالايدى. سوندىقتان قازاق كورەرمەندەردى جوعالتپايمىز دەسەك، قازاق تىلىندە تۇسىرىلگەن ساپالى ونىمدەردى YouTube كانالىنا كوبىرەك سالعان دۇرىس بولادى. بالالار YouTube كانالىنان قازاقشا مۋلتفيلدەردى تاپپاعاننان كەيىن، شەتەلدىك ونىمدەردى ىزدەي باستايدى» ، - دەدى قاۋىمداستىق ءتوراعاسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى