تەگەراندا قۇلاعان ۋكراينا ۇشاعى جولاۋشىلارىنىڭ بارلىعى مەرت بولدى

كيەۆكە باعىت العان ۇشاق بورتىندا 170 جولاۋشى بولعان. تەگەران اۋەجايىنان ۇشقاننان كەيىن اپاتقا ۇشىراعان «حالىقارالىق ۋكراينا اۋە جەلىسىنىڭ» Boeing-737 ۇشاعىنىڭ بارلىق جولاۋشىلارى مەرت بولدى.

بۇدان بۇرىن، ازاماتتىق اۆياتسيا ۇيىمىنىڭ وكىلى يرانا رەزا دجافارزادە ۇشاق ورتكە ورانىپ، ادامداردىڭ امان قالۋى مۇمكىن ەمەستىگىن مالىمدەگەن. ول قازىرگى ۋاقىتتا قۇتقارۋشىلار ءتىلسىز جاۋدى اۋىزدىقتاپ جاتقانىن جەتكىزدى.

PS752 ۋكراينا رەيسى ماسكەۋ ۋاقىتىمەن تاڭعى 5:42 دە تەگەراننان ۇشىپ، 2 مينۋت وتكەننەن كەيىن ۇشاقپەن بايلانىس ۇزىلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى