بۇرىنعى پرەزيدەنتتىڭ قىزىنا قاتىستى قىلمىستىق ءىس سوتقا جولداندى
«وزبەكستاننىڭ باس پروكۋراتۋراسى گ. كارىموۆا مەن قىلمىستىق قوعامداستىقتىڭ قۇرامىندا بوپسالاۋ، بيۋجەت قارجىسىن جىمقىرۋ جانە قىلمىستىق جولمەن تابىلعان كىرىستەردى شەتەلدە زاڭداستىرۋ سياقتى قىلمىستاردى جاساعان وزگە دە ازاماتتارعا قاتىستى قىلمىستىق ءىستى تەرگەۋدى اياقتادى»، - دەلىنگەن وزبەكستان باس پروكۋراتۋراسىنىڭ رەسمي مالىمدەمەسىندە.
قازىرگى تاڭدا قىلمىستىق ءىس قاراۋ ءۇشىن سوتقا جولداندى.
وسىعان دەيىن «قازاقپارات» ح ا ا ءتىلشىسىنىڭ ءو ر باس پروكۋراتۋراسىنىڭ باسپا ءسوز قىزمەتىنە سىلتەمە جاساي وتىرىپ حابارلاعانىنداي، گۇلنار كارىموۆاعا قاتىستى جاڭا قىلمىستىق ءىس قوزعالدى. وزبەكستاننىڭ باس پروكۋراتۋراسى مەن ادىلەت مينيسترلىگى ا ق ش، شۆەيتساريا، فرانسيا، رەسەي فەدەراتسياسى، لاتۆيا سياقتى شەت مەملەكەتتەرمەن گ. كارىموۆانىڭ قۇنى 1,3 ميلليارد ا ق ش دوللارىن قۇرايتىن «قىلمىستىق جولمەن تاپقان» جانە كەيبىر شەت مەملەكەتتەردە قىلمىستىق ىستەر قوزعالىپ جاتقان ارەكەتتەرى بويىنشا بىرلەسكەن جۇمىستار جۇرگىزىلۋدە.
