يران يادرولىق كەلىسىمنىڭ شارتتارىن ورىنداۋدان باس تارتتى
سوعان قاراماستان تەگەران اتوم ەنەرگياسى جونىندەگى حالىقارالىق اگەنتتىكپەن (ماگاتە) بىرگە جۇمىس ىستەۋىن جالعاستىرماق.
بۇل تۋرالى يران مەملەكەتتىك تەلەارناسىنداعى رەسمي مالىمدەمەگە سىلتەمە جاساعان Reuters اگەنتتىگى حابارلادى.
تەگەران كەلىسىمدە كورسەتىلگەن «ۋراندى بايىتۋ جايلى شەكتەۋدى» بۇدان سوڭ ساقتامايتىنىن، وسى سالاداعى عىلىمي زەرتتەۋلەرگە دە شەكتەۋ بولمايتىنىن ەسكەرتتى. ەندىگى ۋاقىتتا يران يادرولىق سالاسى ءوز تەحنيكالىق قاجەتتىلىگىنە بايلانىستى داميتىنىن مالىمدەگەن.
يرانمەن بىرگە «يادرولىق كەلىسىمگە» 2015-جىلى ب ۇ ۇ قاۋىپسىزدىك كەڭەسىنىڭ تۇراقتى بەس مۇشەسىنە (ا ق ش، رەسەي، قىتاي، ۇلى بريتانيا جانە فرانسيا) قوسا گەرمانيا دا قول قويعان.
2018-جىلى ا ق ش پرەزيدەنتى دونالد ترامپ ۆاشينگتوننىڭ بۇل كەلىسىمنەن شىعاتىنىن جانە يرانعا قارسى قوسىمشا سانكسيالار ەنگىزەتىنىن مالىمدەگەن.
بۇعان جاۋاپ رەتىندە تەگەران 2019-جىلى كەلىسىمدە كورسەتىلگەن وزىنە قاتىستى بىرنەشە باپتى ورىنداۋدان باس تارتقان بولاتىن.
«ازاتتىق»
