ا ق ش- تىڭ باتىس ازياداعى سوڭعى كۇندەرى - يران سىرتقى ىستەر ءمينيسترى
يراننىڭ سىرتقى ىستەر ءمينيسترى بۇل سوزدەردى ا ق ش مەملەكەتتىك حاتشىسى مايك پومپەونىڭ جاريالاعان ۆيدەوسىنا جاۋاپ رەتىندە جازدى.
مايك پومپەو ءوزىنىڭ Twitter- ىندە ۆيدەو جاريالاپ، استىنا «يراك تۇرعىندارى كوشەدە بوستاندىقتى قولداۋ ءۇشىن بيلەپ ءجۇر. ولار گەنەرال سۋلەيمانيدىڭ ومىردەن وزعانىنا العىس ايتۋدا»، - دەپ جازدى.
24 ساعات بۇرىن ءوزىن ديپلوماتپىن دەپ سانايتىن كلوۋن يراك قالالارىندا حالىق بيلەپ جاتىر دەپ مالىمدەدى. بۇگىن ءجۇز مىڭداعان نامىستى يراكتىق باۋىرلارىمىز بەن قارىنداستارىمىز ءوز جەرىندە وعان جاۋاپ قايتاردى. قاتىگەز ا ق ش- تىڭ باتىس ازياداعى سوڭعى كۇندەرى باستالدى، - دەپ جازدى يران س ءى م دجاۆاد زاريف.
ايتا كەتەيىك، 3 - قاڭتارعا قاراعان ءتۇنى يراك استاناسى باعداتتاعى حالىقارالىق اۋەجاي ماڭىندا بىرنەشە جارىلىس بولدى.
ا ق ش بيلىگى جارىلىس بولعان جەردەگى يرانمەن بايلانىسى بار ەكى نىساننىڭ سوققىسىنا قاتىسى بار ەكەنىن حابارلادى.
ا ق ش قارۋلى كۇشتەرى يراكتاعى يران گەنەرالىنىڭ ولىمىنەن كەيىن اسكەرىن تولىق دايىنداپ قويدى. ا ق ش سوققىسىنىڭ سالدارىنان قايتىس بولعان يراندىق گەنەرال كاسيم سۋلەيمەنيدىڭ ولىمەنەن كەيىن مۇناي باعاسى %2 قىمباتتادى.
الەمدىك ب ا ق يراندىق گەنەرال كاسيم سۋلەيمانيدى جويۋ تۋرالى بۇيرىقتى ا ق ش پرەزيدەنتى دونالد ترامپتىڭ ءوزى بەردى دەگەن اقپارات تاراتتى.
يران يسلام ريەۆوليۋتسياسى كۇزەت كورپۋسىنىڭ «كۋدس» ارنايى بولىمشەسى باسشىسى كاسەم سۋلەيمانيدىڭ ءولىمى ءۇشىن كەك الاتىنىن حابارلادى.
ا ق ش پرەزيدەنتى دونالد ترامپ 4 - قاڭتاردا Twitter- دەگى پاراقشاسىندا «يران شابۋىل جاساسا، ا ق ش جاۋاپ رەتىندە يراننىڭ 52 نىسانىنا سوققى جاسايدى»، - دەپ جازدى.
