ورالماندار مەن قونىس اۋدارۋشىلاردى قابىلداۋ كۆوتاسى بەلگىلەندى

ەڭبەك جانە حالىقتى الەۋمەتتىك قورعاۋ مينيسترلىگى سايتىندا جاريالانعان ۇكىمەت قاۋلىسىنا سايكەس، ايماقتاردا ورالمان كۆوتاسى - 1378 ادام، قونىس اۋدارۋشىلار كۆوتاسى 4750 ادام بولىپ بەلگىلەندى.

11- جەلتوقساندا پارلامەنت ءماجىلىسى «قازاقستان رەسپۋبليكاسىنىڭ كوشى-قون پروتسەستەرىن رەتتەۋ جونىندەگى كەي زاڭ اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىن ماقۇلداپ، سەناتتىڭ قاراۋىنا جولداعان.

جوبادا «ورالمان» اتاۋىن «قانداس» دەپ وزگەرتۋ قاراستىرىلعان. بۇل ۇسىنىس الەۋمەتتىك جەلىدە كوپشىلىك تالقىلاعان تاقىرىپتاردىڭ بىرىنە اينالدى.

رەسمي مالىمەت بويىنشا، 2018-جىلى قازاقستان ازاماتتىعىن 28800 ادام قابىلداعان. ونىڭ ىشىندە 1194 ادام پرەزيدەنت جارلىعىمەن، 27606 ادام (سونىڭ ىشىندە 24874 ورالمان) جەڭىلدەتىلگەن ءتارتىپ بويىنشا ازاماتتىق العان.

الايدا قىتايدان تاريحي وتانىنا قونىس اۋدارعان ەتنيكالىق قازاقتار اراسىندا قازاقستان ازاماتتىعىنا قول جەتكىزە الماي جۇرگەندەر از ەمەس.

«ازاتتىق»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى