بيىل قازاقستاندا ۆولونتەر جىلى
2019 -جىلعى جاستار جىلىنىڭ قيسىندى جالعاسى ءارى بۇل قوعامنىڭ رەسۋرستارى مەن جاسامپاز ەنەرگياسىنا سۇيەنەتىن جاستار باستامالارىن دامىتۋعا دا باعىتتالادى. ۆولونتەر جىلى ىشىندە دەنساۋلىق ساقتاۋ، الەۋمەتتىك قىزمەت كورسەتۋ، مادەنيەت جانە باسقا دا سالالاردا 7 جالپى ۇلتتىق جوبانى ىسكە اسىرۋ جوسپارلانىپ وتىر. سونداي- اق جەرگىلىكتى دەڭگەيدە ءبىرقاتار شارالار قاراستىرىلعان. ءار وڭىردە 10 عا دەيىن ۆولونتەرلىك ستارتاپتى قولداۋ جانە ىسكە اسىرۋ، ۆولونتەرلەر جانە ۆولونتەرلىك ۇيىمدارمەن جۇمىس بويىنشا ۇيلەستىرۋ شارالارىن ۇيىمداستىرۋ ەسكەرىلگەن. بۇگىندە رەسپۋبليكا بويىنشا 200 دەن استام ۆولونتەرلىك ۇيىمى جۇمىس ىستەيدى. ۆولونتەرلىك قوزعالىسپەن 50 مىڭنان استام ادام قامتىلدى.
2019 -جىلدىڭ مامىر ايىندا قوستانايدا وتكەن قازاقستان مەن رەسەي جاستارىنىڭ ىنتىماقتاستىق فورۋمى بارىسىندا رەسپۋبليكانىڭ «ۇلتتىق ەرىكتىلەر جەلىسى» ۇيىمىنىڭ ءتورايىمى ۆەرا كيم 2020 -جىلدى ۆولەنتەرلەر جىلى دەپ جاريالاۋدى ۇسىنعان بولاتىن.
