بەكزات ساتتارحانوۆقا ارناپ «دارا تۇلعا» اتتى كۇي شىعاردى

قۇندى تۋىندىنىڭ اۋقىمى كەڭ، ءۇش بولىمنەن تۇرادى: بەكزاتتىڭ ءومىرى، جەتىستىگى، ومىردەن جارق ەتىپ وتكەن ءساتى باياندالادى. شىعارما اۆتورى - نۇر- سۇلتان قالاسى اكىمدىگى مەملەكەتتىك اكادەميالىق فيلارمونياسىنىڭ «قورقىت» ءداستۇرلى ساز توبىنىڭ كوركەمدىك جەتەكشىسى، ق ر مادەنيەت قايراتكەرى شولپان قورعانبەك. شىعارمانى حالىقارالىق بايقاۋلاردىڭ لاۋرەاتى «قورقىت» ءداستۇرلى ساز توبى ورىندايدى.

شولپان قورعانبەكتىڭ الاشتىڭ ماڭدايىنا سىيماي كەتكەن بەكزات ساتتارحانوۆ تۋرالى شىعارما جازۋىنا حالىقتىڭ بەكزاتقا دەگەن ساعىنىشى سەبەپ بولعان ەكەن. ويلانا كەلە كومپوزيتور بەكزات جايلى دەرەكتەرگە كوز جۇگىرتىپ، تىڭ تۋىندىنى جازىپ شىعىپتى.

ايتا كەتسەك، بۇگىن - بەكزات ساتتارحانوۆتىڭ ومىردەن وتكەن كۇنى. بوكسشىنىڭ جارقىن جەڭىسى - 2000 -جىلى سيدنەيدە وتكەن 22-جازعى وليمپيادادا چەمپيون اتانعان ءساتى. قارسىلاستارى مىقتى ءارى كوپ ەدى. بەكزات ساتتارحانوۆ قامشىنىڭ سابىنداي عانا قىسقا عۇمىر كەشتى. 20 جاسىندا جول اپاتىنان اجال قۇشتى.

ەسكە سالا كەتەيىك، بۇعان دەيىن «حابار» اگەنتتىگىنىڭ تاپسىرىسىمەن سيدنەي وليمپياداسىنىڭ چەمپيونى مارقۇم بەكزات ساتتارحانوۆ تۋرالى كوركەم فيلم جۋىردا، ەلىمىزدىڭ ۇلكەن ەكراندارىنان كورەرمەنگە جول تارتقان بولاتىن.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى