ق ح ل: «بارىس» قىتايلىق كلۋبتان باسىم ءتۇستى

كەزدەسۋدە ەلوردالىق كلۋب باسىم وينادى. سوعان قاراماستان ەسەپتى العاش بولىپ «كۋنلۋن رەد ستار» كلۋبى اشتى. كوماندا ساپىنان كوري كەين 1-مينۋتتا ءوزىنىڭ ەنشىسىنە جازدى. بۇدان كەيىن ايدىن يەلەرى تىزگىندى ءوز قولىنا الدى. ناتيجەسىندە ولاردىڭ قاتارىنان 14 جانە 17-مينۋتتاردا كوربان نايت پەن داستين بويد مەرگەندىك تانىتتى.

ەكىنشى كەزەڭدە قوس كوماندا شابۋىلعا كوبىرەك شىقتى. دەسە دە ەكەۋى دە دىتتەگەن ماقساتىنا جەتە العان جوق. ءۇشىنشى كەزەڭ دە وسىعان ۇقساس جاعدايدا ءوربىدى. بۇگىنگى كەزدەسۋدە «بارىس» قارسىلاسىنان 2:1 ەسەبىمەن باسىم ءتۇستى.

اتالمىش جەڭىستەن كەيىن ەلوردالىق كلۋب تۋرنير كەستەسىندەگى جاعدايىن جاقسارتا ءتۇستى. جالپى تۋرنير كەستەسىندە التىنشى ورىنعا كوتەرىلدى. ال شىعىس كونفەرەنسياسىندا ءۇشىنشى، چەرنىشيەۆ ديۆيزيونىندا ەكىنشى ورىنعا جايعاستى.

بۇدان بۇرىن «بارىس» رەسەيدىڭ «اۆتوموبيليست» كومانداسىنان باسىم ءتۇستى .

ەندى «بارىس» كەلەسى ءۇش ويىنىن سىرت ايدىندا وتكىزەدى. الدىمەن 2020 -جىلدىڭ 4 - قاڭتارىندا لاتۆيانىڭ «دينامو» (ريگا) كومانداسىمەن كەزدەسسە، ودان كەيىن 6 - قاڭتاردا رەسەيدىڭ «اۆانگارد» (ومبى) ، 8 - قاڭتاردا «نەفتەحيميك» (نيجنەكامسك) كوماندالارىمەن شەبەرلىك بايقاسادى.

اۆتور: ءادىلجان ۇمبەت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى