كينولوگيالىق ورتالىق باسشىسى مەن ورىنباسارى قاماۋعا الىندى
سىبايلاس جەمقورلىققا قارسى قىزمەت الماتى قالاسىنىڭ پروكۋراتۋراسىمەن بىرلەسىپ پارا الۋ كۇدىگى بويىنشا قازاقستان رەسپۋبليكاسى قارجى مينيسترلىگى قارجى مونيتورينگى كوميتەتىنىڭ «كينولوگيالىق ورتالىعى» ر م م باسشىسى مەن ونىڭ ورىنباسارىن اشكەرەلەدى.
«ولار باعىنىشتى قىزمەتكەرلەرىنەن قىزمەت بويىنشا جالپى قامقورلىقتارى ءۇشىن جۇيەلى تۇردە 2 ميلليون 182 مىڭ تەڭگە كولەمىندە پارا العانى ءۇشىن كۇدىككە ىلىنگەن.
28 - جەلتوقساندا الماتى قالاسىنىڭ مامانداندىرىلعان اۋدانارالىق تەرگەۋ سوتى كۇدىكتىلەرگە قاتىستى قاماۋعا الۋ تۇرىندەگى بۇلتارتپاۋ شاراسىنا سانكسيا بەردى» ، دەلىنگەن حابارلامادا.
اگەنتتىك باسپا ءسوز قىزمەتىنىڭ مالىمەىنشە، قازىر سوتقا دەيىنگى تەرگەۋ جالعاسۋدا. كۇدىكتىلەردىڭ كىناسىنىڭ دەڭگەيى تۋرالى تۇپكىلىكتى شەشىمدى سوت شىعارادى.
