ۇشاق اپاتى: قارا جاشىكتەگى مالىمەتتەردى تارقاتۋ ءۇشىن گوللاندىق ساراپشى كەلدى
بۇل تۋرالى ق ر ىشكى ىستەر ءمينيسترى ەرلان تۇرعىمبايەۆ ايتتى، دەپ حابارلايدى قازاقپارات ءتىلشىسى.
«قازىرگى ۋاقىتتا بىرنەشە حالىقارالىق ساراپشى كەلدى. قارا جاشىك الىنىپ، اۋە اپاتتارىن تەرگەۋ جونىندەگى حالىقارالىق ۇيىمعا جىبەرىلدى. سونىمەن قاتار نيدەرلاندىدان شىعارۋشى زاۋىت وكىلدەرى دە كەلگەن بولاتىن»، - دەدى مينيستر ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.
ۇشاق اپاتىنىڭ نەگىزگى 3 نۇسقاسىن ايتقان مينيستر وقيعانىڭ شىنايى سەبەبىن ناقتى اتاۋ ءۇشىن ۋاقىت قاجەت ەكەنىن دە ەسكەرتىپ ءوتتى.
«اۋە كەمەسى تەحنيكالىق تۇرعىدا وتە كۇردەلى ەكەنىن وزدەرىڭىز دە جاقسى بىلەسىزدەر. سوندىقتان قىسقا عانا ۋاقىتتىڭ ىشىندە ناتيجە كۇتۋ، اپاتتىڭ سەبەپتەرى تۋرالى ايتۋ مۇمكىن ەمەس. سول سەبەپتى ءبىرقاتار كەشەندى تەحنيكالىق ساراپتاما تاعايىندالىپ وتىر»، - دەدى ول.
ونىڭ تۇسىندىرۋىنشە، ءورت-تەحنيكالىق، اۆياتسيالىق جانە مەديتسينالىق ساراپتامالار جۇرگىزىلەدى.
«وسى ساراپتامالاردىڭ قورىتىندىسى بويىنشا اتالعان اۋە كەمەسىندە قانداي جاعداي ورىن العانىنا باعا بەرىلەدى. ازىرشە بابى سول كۇيىندە قالىپ وتىر. ول – ق ر قىلمىستىق كودەكسىنىڭ 344-بابىنىڭ 3- تارماعى»، - دەدى ەرلان تۇرعىمبايەۆ.
