كوپ بالالى وتباسىلار تابىسىنا قاراماستان كومەك الاتىن بولدى
بۇل تۋرالى اقوردانىڭ رەسمي سايتى حابارلادى.
وعان سايكەس كوپ بالالى وتباسىلار تابىسىنا قاراماستان مەملەكەتتىك قولداۋ الادى.
وتباسىندا ءتورت بالاسى بارلارعا 42496 تەڭگە (111 دوللار) ، بەسەۋ بولسا - 53127 تەڭگە (139 دوللار) ، التاۋعا - 63757 تەڭگە (167 دوللار) ، ال جەتى جانە ودان دا كوپ بالاسى بار وتباسىلارعا - 74 388 تەڭگە (195 دوللار) .
قازىرگى اتاۋلى الەۋمەتتىك كومەك جۇيەسى وزگەرۋدە. ەسكى مەحانيزم قايتىپ كەلەدى، ال ا ا ك الەۋمەتتىك جاعدايى تومەن وتباسىلارداعى بالالارعا كەپىلدەندىرىلگەن الەۋمەتتىك پاكەتپەن تولىقتىرىلادى.
مۇگەدەكتەر وزدەرى تاڭداعان تەحنيكالىق جابدىقتار مەن قالپىنا كەلتىرۋ قىزمەتتەرىن وزدىگىنەن تاڭداي الادى.
ءۇش الەۋمەتتىك جاردەماقى الۋشىلاردىڭ قولداۋى ارتىپ كەلەدى. قازاقستاندا مۇگەدەكتىك، اسىراۋشىسىنان ايىرىلۋ جانە جۇمىسىنان ايرىلۋ بويىنشا الەۋمەتتىك تولەمدەر مولشەرى %30 عا ارتادى.
سونداي- اق، پرەزيدەنت «قازاقستان رەسپۋبليكاسىنىڭ كەيبىر زاڭنامالىق اكتىلەرىنە وڭالتۋ جانە بانكروتتىق راسىمدەرىن، بيۋدجەت، سالىق زاڭناماسىن جانە تەمىرجول كولىگى تۋرالى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
جۇمىس بەرۋشىنىڭ مىندەتتى زەينەتاقى جارنالارىن ەنگىزۋ مەرزىمى 2020 -جىلدان 2023 -جىلعا اۋىستىرىلدى. سونىمەن قاتار، 2020 -جىلدان باستاپ مۇگەدەكتەرگە ارنالعان الەۋمەتتىك قىزمەتتەر پورتالى ەنگىزىلدى.
