اقجارقىن تۇرلىبايدىڭ قورعاۋشىلارى ۇكىمدى قايتا قاراۋدى سۇراماق
بۇل تۋرالى اقجارقىننىڭ ەكى ادۆوكاتىنىڭ ءبىرى مۋرال ادەن ۇلى حابارلادى. سەبەبى ول سوت قورعاۋشى تاراپتىڭ پىكىرىن نازارعا الماعان دەيدى.
ەسكە سالا كەتەيىك، قىتاي سوتى بۇعان دەيىن قازاقستاندىق اقجارقىن تۇرلىبايعا قاتىستى ءومىر باقي باس بوستاندىعىنان ايىرۋ تۋرالى شەشىمدى وزگەرىسسىز قالدىردى.
جاقىندا وسى ەلدەگى كونسۋلىمىز اقجارقىنمەن كەزدەسىپ، وعان جاقىندارىنىڭ فوتوسۋرەتتەرى مەن اعىلشىنشا كىتاپتار تابىس ەتىپ قايتتى. ونىڭ ايتۋىنشا، قانداسىمىزدىڭ ءحالى ءبىرقالىپتى. ول ءوزىن- ءوزى دامىتۋدى جالعاستىرىپ، يوگامەن شۇعىلدانۋدى باستاعان.
جالپى قىتايدا ەسىرتكىمەن ۇستالعان ادامدارعا جازا قاتاڭ. دەرەككە سۇيەنسەك، بۇل ەلدە 2000 -جىلدان بەرى وننان استام شەتەلدىك ءولىم جازاسىنا كەسىلگەن.
