اپاتقا ۇشىراعان ۇشاققا كەشىگىپ قالعان جولاۋشى وقيعاسى

اسحات ۋتەپوۆ الماتىعا وسكەمەننەن ترانزيتتىك رەيس ارقىلى كەلگەن. بۇگىن وتباسىمەن قاۋىشۋ ءۇشىن Bek Air ۇشاعىنا وتىرىپ، نۇر- سۇلتان قالاسىنا جەتۋى كەرەك بولاتىن. «مەن ەل ىشىندە ۇشاقپەن ءجيى ساياحاتتايمىن، ايەروپورتقا دا الدىن الا كەلىپ وتىرامىن. بۇل جولى مەنى قوناقۇي قىزمەتكەرلەرى تاڭعى 5 تە وياتقانىمەن، مەن ونلاين- رەگيستراتسيا ءوتىپ، ءسال تىنىعىپ الماق ويمەن قايتا جاتقام، ۇيىقتاپ كەتىپپىن. تاڭعى 9 دا ءبىر- اق وياندىم. بارلىق تانىسىم قوڭىراۋ شالىپ، قۇداي ساقتاپ امان قالعانىمدى ەستىپ، «ەكىنشى رەت دۇنيەگە كەلۋىڭمەن» دەپ قۇتتىقتاپ جاتىر»، - دەيدى اسحات.

جولاۋشى رەيسكە ۇلگەرگەن جاعدايدا امان قالۋى ەكىتالاي ەكەنىن ايتادى. سەبەبى ول الدىڭعى قاتارداعى 5 ا ورنىنا جايعاسۋى كەرەك بولاتىن. ەندى اسحات اتا- اناسى، جۇبايى مەن 3 بالاسىن كورگەنشە اسىق.

 ەسكە سالايىق، بۇگىن Bek Air اۋە كومپانياسىنىڭ الماتى - نۇر- سۇلتان باعىتىنداعى 2100 رەيسى ساعات 07:05 تە ۇشىپ، راداردان جوعالىپ كەتكەن. كوپ وتپەي بورتىندا 95 جولاۋشى جانە 5 ەكيپاج مۇشەسى بولعان ۇشاقتىڭ اپاتقا ۇشىراعانى بەلگىلى بولدى.

Massaget.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى