اقپارات مينيسترلىگى ب ا ق- تاعى ويىن- ساۋىق كونتەنتىن ازايتۋدى ۇسىندى
«جالپى ۇلتتىق ازا تۇتۋ كۇنى ەڭ الدىمەن ب ا ق قىزمەتىندە جانە ولاردىڭ ينتەرنەت- رەسۋرستارىن راسىمدەۋگە بايلانىستى ءبىرقاتار شارالاردىڭ ساقتالۋى قۇپتالادى. جالپى ۇلتتىق ازا تۇتۋ كۇنى مەديا- سايتتاردىڭ جوعارعى بولىگىنە وقيعا بولعان كۇندى جانە «قازاقستان رەسپۋبليكاسىنداعى جالپى ۇلتتىق ازا تۇتۋ كۇنى» دەگەن جازۋى بار باننەر ورنالاستىرۋ ۇسىنىلادى. باننەردىڭ ءتۇسى قارا، ءماتىننىڭ ءتۇسى اق بولۋى كەرەك. ءماتىننىڭ ءتىلى پايدالانۋشى تاڭداعان تىلدىك نۇسقاعا بايلانىستى وزگەرۋى ءتيىس. باننەر ارقىلى وقىرمان قايعىلى وقيعا تۋرالى اقپاراتتاردى اشۋى كەرەك. سايتتىڭ تۇتاس تۇستىك گامماسىن قارا جانە اق تۇستەرگە وزگەرتىڭىز. تەلەارنالاردىڭ لوگوتيپىن اق- قارا تۇسكە بوياۋعا بولادى»، - دەپ جازىلعان مينيسترلىكتىڭ رەسمي حابارلاماسىندا.
جالپى ۇلتتىق ازا تۇتۋ كۇنى بارلىق ب ا ق سايتتارىنان جارنامالىق باننەرلەردى، كوڭىل كوتەرۋ جانە ينتەراكتيۆتى ەلەمەنتتەردى، مۋزىكالىق سۇيەمەلدەۋدى الىپ تاستاۋ ۇسىنىلادى. جالپى ۇلتتىق ازا تۇتۋ كۇنىنە بايلانىستى بارلىق ماتەريالداردا پىكىر جازۋ فۋنكسياسىن ءوشىرۋ قاجەت. مۇنداي شارا وقيعا تۋرالى كوپتەگەن جاعىمسىز پىكىرلەردىڭ الدىن الادى.
«ازا تۇتۋ كۇنى بارلىق ب ا ق (باسپا، ينتەرنەت- رەسۋرستار، تەلەديدار جانە راديوارنالار) ويىن- ساۋىق ماتەريالدارىن جاريالاماعانى ءلازىم. راديوارنالارعا تىنىش، باياۋ ىرعاقتى (وتاندىق) مۋزىكالىق تۋىندىلاردى قويۋ ۇسىنىلادى. «جارناما تۋرالى» زاڭنىڭ 8-بابىنىڭ 4-تارماعىنا سايكەس، بارلىق تەلەارنالار مەن راديوارنالار كەستەسىنەن جارنامالار الىنۋى ءتيىس. سونداي- اق، باسىلىم بەتتەرىندە دە جارنامالىق ماتەريالداردى الىپ، ءتۇرلى- ءتۇستى بەتتەردى اق- قاراعا اۋىستىرعان ءجون» ، - دەلىنگەن حابارلامادا.
بارلىق اقپارات قۇرالدارىنا ارانداتۋشىلىق فوتوسۋرەتتەردى، سونىڭ ىشىندە مايىتتەردىڭ، قاننىڭ سۋرەتتەرىن جاريالاماۋ سۇرالادى. تەلەارنالاردا تاڭعى جانە ەفير سوڭىندا گيمن ورىندالعاننان كەيىن قازا تاپقانداردى ەسكە الۋ ءۇشىن ءبىر مينۋت ۇنسىزدىك جاريالاپ، جالپى ۇلتتىق ازا سەبەپتەرىن كورسەتۋ ۇسىنىلادى.
