ق ر اۋىل شارۋاشىلىعى مينيسترلىگى قىتايلىق شەگىرتكەگە قارسى حيميالىق دارىگە تىيىم سالدى

«ەندى بۇل حيميالىق ءونىم قازاقستاندا قولدانىلمايدى. 2018 -جىلى «پەستيتسيدى» ج ش س قازاقستان اۋماعىنا ۇلكەن كولەمدە «يمپەراتور% 20 ۆ. ك. » (يميداكلوپريد، 200 گ/ل) پەستيتسيدىن كىرگىزگەن. شەگىرتكەگە قارسى كۇرەسۋ ءۇشىن پايدالانىلاتىن پرەپاراتتىڭ تىركەۋشىسى (يەسى) «شانحاي ميو كەميكال كو. , ل ت د.» بولىپ سانالادى. رەسپۋبليكانىڭ وڭتۇستىك ايماقتارىندا «ماروككو» شەگىرتكەسىنە قارسى حيميالىق كۇرەس جۇرگىزۋ كەزىندە «يمپەراتور،% 20 ۆ. ك.» پەستيتسيدى فيتوسانيتاريالىق قاۋىپسىزدىكتى قامتاماسىز ەتۋگە قويىلاتىن تالاپتارعا سايكەس كەلمەيتىنى، ونىڭ بيولوگيالىق تيىمدىلىگى تومەن (%30 - دان كەم) ەكەنىن كورسەتتى»، - دەلىنگەن ق ر ا ش م مالىمەتىندە.

مامانداردىڭ پايىمىنشا، اتالمىش حيميالىق ءونىمدى الداعى ۋاقىتتا پايدالانۋ 1,054 ميلليون گ ا جەردە شەگىرتكەگە قارسى كۇرەس شارالارىنىڭ ءتيىمسىز بولۋىنا الىپ كەلۋى مۇمكىن. مۇنداي جاعدايلاردا «وسىمدىكتەردى قورعاۋ تۋرالى» زاڭدا «پەستيتسيدتى» مەملەكەتتىك تىركەۋ كۋالىگىنەن ايىرۋ (قايتارىپ الۋ) قاراستىرىلعان.

«وسىعان بايلانىستى، ق ر ا ش م اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ № 333 نشى بۇيرىعىمەن 2019 -جىلدىڭ 12 - جەلتوقسانىنان باستاپ «يمپەراتور،% 20 ۆ. ك.» پەستيتسيدىن مەرزىمىنەن بۇرىن تىركەۋ كۋالىگىن كەرى قايتارىپ الىپ، اتالمىش حيميالىق پرەپاراتتى مەملەكەتتىك تىركەۋدەن وتكىزۋگە تىيىم سالدى»، - دەپ اتالىپ وتكەن مينيسترلىك اقپاراتىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى