اقپارات ءمينيسترى ءوتىپ بارا جاتقان جىلدىڭ باستى وقيعالارىن اتادى

«بيىلعى جىل وتە مازمۇندى بولدى. جاڭا پرەزيدەنتتى سايلاپ الدىق. ساياسي ترانزيت كەزەڭىنەن تۇراقتى جاعدايدا وتتىك. البەتتە، حالىقتى الەۋمەتتىك قورعاۋ ساياساتى جاڭا ساتىعا كوتەرىلدى. اتاۋلى الەۋمەتتىك كومەكتى بۇل كۇندە ءجۇز مىڭداعان ازامات الىپ وتىر. مەحانيزم ارينە، جەتىلدىرىلە بەرمەك. مەملەكەتتىڭ قولداۋىمەن 400 مىڭعا تارتا ازامات جۇمىسقا ورنالاستى. بيىل 5 مىڭ شاقىرىمعا جۋىق اۆتوكولىك جولى سالىنىپ، جوندەلدى. بۇل قاشىقتىق - اقتاۋ مەن وسكەمەننىڭ اراسىنان دا الشاق. 250 گە تارتا اۋرۋحانا مەن مەكتەپ اشىلىپ، جۇمىسىن باستادى»، - دەدى داۋرەن ابايەۆ حابار ارناسىنان كورسەتىلگەن «اشىق ديالوگ» باعدارلاماسىندا.

مينيستر ءوز سوزىندە قازاقستاندىق سپورشىلاردىڭ باعىندىرعان بەلەستەرىن ۇمىت قالدىرعان جوق.

«بيىل بيىك بەلەسكە جەتكەن سپورتشىلار كوپ. سونىڭ ءبىرى - ەليزابەت تۇرسىنبايەۆا. ول الەم بىرىنشىلىگىندە جۇلدە العان قازاقستاندىق مانەرلەپ سىرعاناۋشى. الەم چەمپيونى اتانعان بوكسشى بەكزات نۇرداۋلەتوۆ قازاقستاندىقتاردىڭ ەسىندە قالدى. «مانچەستەر يۋنايتەدتى» تىزە بۇكتەرگەن «استانا» كومانداسىنىڭ دا جەڭىسىن - تاريحي جەڭىس دەپ ايتۋعا بولادى. «بارىس» تا ءبارىمىزدى قۋانتىپ جاتىر. ەرجان ماكسيم مەن ديماشتىڭ بيىگىن ايتا كەتۋگە بولادى. باستى نيۋسمەيكەرلەر - قاراپايىم ادامدار: دارىگەرلەر، قۇتقارۋشىلار مەن مۇعالىمدەر. ولار كۇن سايىن ەرلىك جاساپ جۇرگەن جاندار. ەڭبەكتەرى كورىنبەيتىن دە شىعار. ءبىراق، ولاردىڭ ەڭبەكتەرى مىڭداعان قازاقستاندىق ءۇشىن اسا ماڭىزدى. بيىلعى جىل ءساتتى بولدى دەپ اۋىز تولتىرىپ ايتۋعا بولادى»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى