جاڭا «پەداگوگ مارتەبەسى» زاڭىن جۇزەگە اسىرۋعا قانشا قارجى جۇمسالادى

«بۇل زاڭدى جۇزەگە اسىرۋعا قوماقتى قارجى جۇمسالماق. ەڭ باستىسى، زاڭناماداعى قادامدار قاجەتتى قارجىمەن جانە تەتىكتەرمەن قامتىلعانىن، سايكەسىنشە، زاڭ ءىس جۇزىندە جۇمىس ىستەيتىنىن اتاپ وتكەن ءجون. 2024 -جىلعا دەيىن زاڭدى ىسكە اسىرۋعا 5,3 تريلليون تەڭگە قاجەت بولادى. بۇل شىنىمەن دە وتە قوماقتى سوما. بۇگىندە مەملەكەت ءبىلىم سالاسىن قولداۋ قاجەتتىگىن ءتۇسىنىپ وتىر جانە ءتيىستى قادامداردى جاساۋدا»، - دەدى مينيستر سەناتتا تىلشىلەر ساۋالىنا جاۋاپ بەرە وتىرىپ.

بۇدان بۇرىن حابارلانعانداي، سەناتتىڭ جالپى وتىرىسىندا «پەداگوگ مارتەبەسى تۋرالى» زاڭ قابىلداندى.

جالپى، زاڭ جوباسى ءتورت باعىتتى قامتيدى. بىرىنشىدەن، ۇستازداردىڭ قۇقىقتارىن كەڭەيتۋ جانە وزىنە ءتان ەمەس جۇمىستاردان بوساتۋ، ولاردىڭ جۇكتەمەسىن ازايتۋ. ەكىنشىدەن، مۇعالىمنىڭ قىزمەتىنە قويىلاتىن تالاپتاردى كۇشەيتۋ. ۇشىنشىدەن، ماتەريالدىق ەمەس ىنتالاندىرۋ تەتىكتەرى، سونداي- اق تورتىنشىدەن، ماتەريالدى ىنتالاندىرۋ قادامدارى.

«مەملەكەت باسشىسىنىڭ تامىز كونفەرەنسياسىندا بەرگەن تاپسىرماسىنىڭ اياسىندا ءتورت جىل ىشىندە مۇعالىمدەردىڭ ەڭبەكاقىسى ەكى ەسە ارتادى. بۇل تۇرعىدان الداعى قاڭتار ايىنان باستاپ پەداگوگتاردىڭ جالاقىسى 25 پايىزعا وسەدى. دەپۋتاتتاردىڭ قولداۋىمەن وسى بەكىتىلگەن بيۋدجەتتە ءتيىستى قاراجات قاراستىرىلعان. ءبىز وسى جۇمىسقا قاڭتاردان باستاپ كىرىسۋگە دايىنبىز»، - دەدى اسحات ايماعامبەتوۆ.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى