نۇر-سۇلتان - شۋچينسك باعىتىنداعى تراسسادا جول اپاتتارى ازايماي تۇر

سونىڭ سالدارىنان 33 ادام اۋىر جاراقاتتانىپ، 7 كىسى اجال قۇشقان. اپاتتىڭ الدىن الۋ ءۇشىن ايماق پوليتسەيلەرى جولدىڭ بىرنەشە جەرىنە فوتوكامەرا قويىپتى. ول جىلدامدىقتى اسىرعان كولىكتى ءوزى تىركەپ، اقپاراتتى ارنايى ورتالىققا جونەلتەدى. وسى ارقىلى زاڭ بۇزۋشىعا ايىپپۇل جولدانادى.

قوندىرعىلاردىڭ ءبىرى شۋچينسك قالاسىنىڭ تۇسىندا بولسا، ەكىنشىسى بۇلاندى اۋدانىنىڭ اۋماعىندا ورنالاسقان. الايدا، بۇنىڭ ءوزى قازىر ناتيجە بەرمەي وتىر. ال، پوليتسەيلەر بولسا، «قايعىلى جاعدايلارعا جۇرگىزۋشىلەردىڭ وزدەرى كىنالى» دەيدى.

«بىزدەگى ەڭ نەگىزگى پروبلەما - جىلدامدىقتى اسىرۋ. بەلگىلەنگەن جىلدامدىقتى ساقتاماۋ، وتە قيىن جاعدايلارعا الىپ كەلەدى. ماسەلەن، شۋچينسك - نۇر-سۇلتان تاسجولىندا ءبىر اپاتتان 3-4 ادام كوز جۇمعان وقيعالار بولدى. بۇل - ايدىڭ-كۇننىڭ امانىندا بولعان اپاتتار. ال بوراندى كۇندەرى نەمەسە كوكتايعاق بولعان كەزدەرى ەشقانداي جول-كولىك وقيعاسى تىركەلگەن جوق»، دەيدى وبلىستىق اكىمشىلىك پوليتسيا باسقارماسىنىڭ باستىعى اسلان قىزبيكەنوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى